Inini ataatsimoorfiusartuni atortunik innallagiatortunik ikkussorneqarsimasunik nakkutilliineq pillugu Namminersorlutik Oqartussat nalunaarutaat nr. 57, 23. september 2021-mersooq

§ 6, imm 1 aamma § 20 imm. 2 naapertorlugu Sanaartukkat innaallagissamut atugassat, innaallagissamut ikkussuinerit aamma atortut innaallagiatortut pillugit Inatsisartut Peqqussutaat nr. 12, 3. november 1994-imeersumi, Inatsisartut Inatsisaanni nr. 19, 12. juni 2019-imeersumi allanngortinneqartumi, Innaallagissiornermut Oqartussanit aalajangersarneqassaaq:

 

                                                                       Isumasiuutit

 

  § 1.  Init ataatsimoorfiusartut nalunaarummi matumani imatut paasineqarput: Isiginnaartitsisarfiit, filmertarfiit, neriniartarfiit, qitittarfiit (diskoteker), inersuit nalliuttorsiortarfiit, init ataatsimiittarfiit, init nipilersortarfiit, init saqqummersitsisarfiit, timersortarfiit, init atuartitsiffiusartut aamma illut allat aamma init, tamakku assigisaannut atorneqartartup attuumassuteqartunik torsuusaqartut aamma qimaaffissaqartut, torsuusat, igaffeqartut, toqqorsiveqartut aamma inimut ataatsimoorfiusartumut pineqartumut toqqaannartumik attuumassuteqartunik allanik ineqartut.
                                                                               

Pisussaaffiit


  § 2.  Kinaluunniit piginnittoq, attartortoq, ingerlatsisutut attartortoq imaluunniit allatut inimik ataatsimoorfiusartumik ingerlatsisoq inunnut 150-it sinnerlugit naatsorsuussaasumik qulakkiissavaa, atortut innaallagiatortut ikkussorneqarsimasut tamakkununnga ilanngullugit ajornartoornermi aamma uiertoqarnerani qaammaqqutitut atorneqartut, kiisalu atortut innaallagiatortut attuumassuteqartut inini katersuuttarfiusuniittut kiisalu isertarfii aamma qimaanermi aqqutissat tassunga atasut, qaammatit 24-nngorneri tamaasa suliffeqarfimmit elinstallatøritut akuersissummik pigisaqartumit misissorneqartarnissaat isumagisassavaa. 
  Imm. 2.  Misissuinermi imm. 1 naapertorlugu ingerlanneqartumi ikkussukkani imaluunniit atortuni innaallagiatortuni attuumassuteqartuni ajoquteqartoqartoq, taava inuup inimik ataatsimoorfiusartumik ingerlatsisup qulakkiissavaa ajoquteqartut iluarsinneqarnissaat.

 

  § 3.  Pisussaatitaaffimmi § 2-imiittumi aammattaaq ilaapput init ataatsimoortarfiit ataasiakkaarlutik inunnut 150-init ikinnerusunut naatsorsuussaasut, tassa init ataatsimoortarfiit inunnut katillugit 150-it sinnerlugit atorneqartarpata, kiisalu init ataatsimoortarfiit isertarfii aamma qimaanermi aqqutissat ataatsimoorpata.
  Imm. 2.  Innaallagissiornermut Oqartussat inuup navialisinnaassusia imaluunniit ikkussukkaani allanngortitsisarnerit suliarineqartartut akulikissusiat tunngavigalugit nalilersuinermigut init ataatsimoortarfiusut ataasiakkaat imaluunniit init ataatsimoorfiusartut aalajangersimasut imm. 1-imi pisussaaffimmut ilaatinngissinnaavai.

 

                                                          Uppernarsaasersuineq il.il.

 

  § 4.  Ikkussorneqarsimasunik aamma atortunik innaallagiatortunik attuumassuteqartunik misissuisimanerup ingerlanneqarsimeranut aamma pissutsit ajunngitsutut isigineqarsimanerannut imaluunniit ajoquteqarsimajunnartut iluarsineqarsimanerannut uppernarsaasersuutitut atugassatut, suliffeqarfiup elinstallatørip akuersissummik pigisaqartup Innaallagissiornermut Oqartussat immersugassaataat (assigisaaluunniit) immersussavaa atsiorlugulu. Uuppernarsaat inimi ataatsimoorfiusartumi nivinngassavaa atuisunut isigalugu takusassanngorlugu.
  Imm. 2.  Uppernarsaat aamma immersugassaq Innaallagissiornermut Oqartussanut piumaneqarsinnaavoq imaluunniit uani www.elmyndighed.gl. Uppernarsaatip assilinera/assinga Innaallagissiornermut Oqartussanut nassiunneqassaaq.

 

Aningaasartuutit

 

  § 5.  Mississuinermut nalunaarut manna naapertorlugu ingerlanneqartumut atatillugu aningaasartuutit misissuinerup ingerlanneqarsimaneranut pisussaatitaasup akilissavai.

 

Pineqaatissiissutit

 

  § 6.  Akiligasiinermik pineqaatissiisoqarsinnaavoq imatut iliortoq
1)  § 2, imm. 1, unioqqutillugu misissuititsinissamik pinngitsoortitsisoq,
2)  § 2, imm. 2, unioqqutillugu qulakkeerinninnermik pinngitsoortitsisoq  ikkussorneqarsimasuni imaluunniit atortunik inaallagiatortuni attuumassuteqartuni ajoqutinik iluarsaassititsinngitsoq, imaluunniit
3)  § 4, imm. 1, unioqqutillugu uppernarsaammik nivinngaanngitsoortoq.
  Imm. 2.  Ingerlatseqatigiiffiit il.il. (inatsisilerinermi inuttut immikkoortutut isigineqartut) pinerluttulerinermik inatsimmi kapitali 5-imi malittarisassat malillugit pinerluttulerineq pillugu inatsiseqartitsinikkut akisussaatinneqarlutik pineqaatissinneqarsinnaapput
  Imm. 3.  Akiligassanngortinneqartut Nu­nat­ta Kar­si­a­nut nakkartinneqassap­put.

 

                                                                   Atuutilersitsineq

 

  § 7.  Nalunaarut atuutilerpoq, ulloq 24. september 2021.

 

 

 

Innaallagissiornermut Oqartussat, ulloq 23. september 2021

 

 

Michael Petersen
Innaallagissiornermut Oqartussani pisortaq



/Jane Lynge Hansen (sign.)

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk