Nappaatit tunillaassortut akiorniarlugit iliuutsit pillugit Inatsisartut peqqussutaanni nr. 20, 12. november 2001-imeersumi, Inatsisartut inatsisaatigut nr. 1, 1. april 2020-meersutigut allanngortinneqartumi, § 7, imm. 1 naapertorlugu aalajangersarneqarpoq:

Nuummi mittarfimmik sanaartortoqarneranut atatillugu sanaartorfimmut najugaqarfimmullu tassunga atasumut iserneq aammalu sanaartorfimmit najugaqarfimmiillu tassunga atasumit qimagunneq inerteqqutaapput.

Sanaartorfik najugaqarfillu tassunga atasoq tassaapput allagartalersuinikkut, bommilersuinikkut, ungalulersuinikkut allatullu nalunaaqutsersuinikkut sanaartorfittut najugaqarfittullu nalunaarsukkat.

Sanaartorfiup najugaqarfiullu ingerlaannarnissaat qulakkeerniarlugu nerisassanik nioqqutissanillu pilersuineq pisinnaavoq, piumasaqaataavorli nioqqutissanik pilersuisut qanermut kiinnamulluunniit assiaquteqassasut aammalu najugaqartunut minnerpaamik 2 meterinik ungasissuseqassasut. Pilersuisuusut mattusimatitsivimmi sulisooqqusaanatillu najugaqaqqusaanngillat.

Tuniluuttoqannginnissaanut peqqissutsikkut maleruagassat malinneqartillugit mattusimatitsivimmi oqartussat suliassaat inerteqqussummut ilaatinneqanngillat.

Peqqussummik unioqqutitsineq peqqussummi § 29, imm. 1 nr. 2 aamma imm. 3 naapertorlugit pinerluttulerinermi inatsisitigut pineqaatissiinermik kinguneqarsinnaavoq.

Peqqussut una ingerlatiinnaq atuutilissaaq atuuffialu sivitsorneqanngippat ullormi 17. juni 2021-mi atuukkunnaassaaq.

Tunillaassortunik Nappaalanersuaqarneranut Ataatsimiititaliarsuaq, ulloq 3. juni 2021

Bjørn Tegner Bay
Tunillaassortunik Nappaalanersuaqarneranut Ataatsimiititaliarsuarmi siulittaasoq