§ 1
Meeqqanik pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisaanni nr. 8, 19. maj 2010-meersumi, Inatsisartut inatsisaatigut nr. 7, 3. juni 2015-imi allanngortinneqartumi imatut allannguisoqarpoq:
1. § 1-imi, § 2, imm. 1-2-mi, § 3, imm. 1, aamma 4, “15-it inorlugit ukiulik” “18-it inorlugit ukiulik”-mut allanngortinneqarpoq.
2. § 2, imm. 2-mi oqaaseqatigiit aappaat ima oqaasertalerneqarput:
“Paasissutissat uppernarsaatitut ilusilerlugit ingerlateqqinneqassapput, tassaallutik Pinerluuteqarsimasunik Qitiusumik Nalunaarsuiffiup paasiniaasarnermik immikkoortuanit paasissutissat, aalajangiinermut immikkoortumi allaqqasut allaqqanikuusunilluunniit, tassaallutillu pinerluttulerinermik inatsimmi § 77, imm. 1, nr. 3-mik, §§ 79-82-imi, aamma § 85-imik unioqqutitsinerit aamma § 74-ip, § 77, imm. 1, nr. 1-ip aamma 2-p. § 77, imm. 2-p, § 78-ip, § 83, imm. 2-p aamma 84, imm. 1-ip unioqqutitsinerit, meeqqamut 18-it inorlugit ukiulimmut iliuuserineqarsimasut.”
3. § 2-mi imm. 1-ip kingorna immikkoortutut nutaatut ilanngunneqassaaq:
“ Imm. 2. Imm. 1-imi eqqaaneqartumut uppernarsaammut aamma ilaapput ulloq 1. april 2019 sioqqullugu aalajangiinerit pillugit paasiniaasarnermik immikkoortortamiit paasissutissat, aalajangiinermut immikkoortumi allaqqasut allaqqanikuusunilluunniit, pinerluttulerinermilu inatsimmi §§ 79-81-imi, aamma tak. § 82 aamma § 85, kiisalu pinerluuteqarneq meeqqamut 18-it inorlugit ukiulimmut pisimappat pinerluttulerinermut inatsimmi § 74, §§ 77-78, tamatumani aamma tak. § 82 aamma pinerluttulerinermut inatsimmi § 83, imm. 2 aamma § 84 imm. 1.”
Tamatuma kingorna imm. 2-5 imm. 3-6-inngussapput.
4. § 2, imm. 3, immikkoortoq 4-nngorpoq, imatut oqaasertalerneqarluni:
“ Imm. 4. Uppernarsaat imm. 1-imi eqqaaneqartoq taamaasilluni ilaqarpoq paasissutissanik Pinerluuteqarsimasunut nalunaarsuiffimmi paasiniaasarnermut immikkoortortami pinerluuteqarsimanerup misissuiffigineqarsimaneraneersunik, pillaasarnermut inatsimmi § 216, imm. 2-mik, § 222, aamma § 223-meersunik, tamatumani aamma aalajangersakkat eqqaaneqartut tak. §§ 225 aamma § 235, kiisalu unioqqutitsinerit §§ 210 aamma 232-mik, pissutsit meeqqamut 18-it inorlugit ukiulimmut tunngasuusimappata. Uppernarsaammi ilanngullugit pineqarput paasissutissat pinerlussimanermik misissuisimanermeersut aalajangiinernut 1. juli 2013 sioqqullugu pisimasunut tunngatillugu, aalajangiinermi ilaasimasunut imaluunniit ilaasunut, aamma pillaasarnermut inatsimmi atuuttuusimasumi § 222, aamma tak. § 224 aamma § 225 aamma § 235, kiisalu §§ 210 aamma 232-mik unioqqutitsisimanernik, pissutsit pineqartut meeqqamut 18-it inorlugit ukiulimmut iliuuserineqarsimappata.“
5. § 2, imm. 4-mi oqaaseqatigiit siulliit allanngortinneqarput “imm. 1-3”-mit “imm.1-4-nngorlugit”.
6. § 3, imm. 2 imatut oqaasertalerneqassaaq:
“ Imm. 2. Aammattaaq peqatigiiffiit, suliffeqarfiit il.il. uku meeqqanik pinerliisimannginnermut uppernarsaatinik pissarsiniarnissamut pisussaaffeqarput, tak. § 2 inunnut peqatigiiffimmut, suliffeqarfimmut il.il. sungiusaasutut, ilitsersuisutut, iligiinnut aqutsisutut, aqutsisutut atassuteqartut, bussinik ingerlatsisartut, taxanik ingerlatsisartut, timmisartumi saqisut umiarsuarnilu ilaasartaatini inuttat, ikiortit, ilinniartitsisut, tassunga ilanngullugit assistentit, taartaasut ilinniartullu suliffimmik misiliisut:
1) Timersoqatigiiffiit, Kalaallit Nunaanni Timersoqatigiiffiit Kattuffiannut ilaasortaasut.
2) Timigissartarfiit.
3) Nipilersornermik qitinnermillu ilinniarfiit.
4) Spejderit.
5) Bussimik ingerlatsisarfiit, meeqqanik 18-it inorlugit ukiulinnik allanik ilaqaratik angallassisartut, allanut ammasuunngitsunik atuarfiit, ingerlatsiviit allallu isumaqatigiissuteqarfigalugit angallassisartut.
6) Taxanik ingerlatsisarfiit allanut ammasuunngitsunik taxanik angallassisartut meeqqanik 18-it inorlugit ukiulinnik allanik ilaqanngitsunik angallassisartut.
7) Timmisartortitseqatigiiffiit angalanerup nalaani meeqqanik 18-it inorlugit ukiulinnik allanik ilaqaratik angalasunik ilitsersuinermik neqerooruteqartut.
8) Umiarsuaatileqatigiiffiit inunnut ilaasartaatit angalanerup nalaani meeqqanik 18-it inorlugit ukiulinnik allanik ilaqaratik angalasunik ilitsersuinermik neqerooruteqartut.”
§ 2
Inatsisartut inatsisaat atortuulissaaq Naalakkersuisut tamanna pillugu nalunaarummik suliaqarnerisigut, atortuussallunilu atorfeqarnermut suliffeqarnermullu atatillugu isumaqatigiissutaasunut, imaluunniit paarsisuunermik aaqqissuussinernut nalunaarutip atortuulerneraniit atuuttunut, taamaattoq tak. imm. 2 aamma 3.
Imm. 2. Paarsisuunermik aaqqissuussinerit Inatsisartut inatsisaata atortuulernera sioqqullugu pilersinneqarsimasut § 1, nr .1 tunngavigalugu atortuussapput inunnut inoqutigiinni ilaalersimasunnut Inatsisartut inatsisaata atortuulersinneqarneraniit.
Imm. 3. Suliffeqarfiit, meeqqanik allanik ilaqaratik angalasunik angallassisut, tak. § 3, imm. 2, nr. 5-8 atortuulersitsinerup kingornagut Inatsisartut inatsisaanni aalajangersakkat naapertorlugit meeqqanik 18-it inorlugit ukiulinnik angallassisut ilanngunneqassapput.
Namminersorlutik Oqartussat, ulloq 25. novembari 2022
Múte Bourup Egede
Naalakkersuisut Siulittaasuat