Umiarsualivimmiinnermut akileraarutit pillugit Inatsisartut inatsisaata allanngortinneqarneranik Inatsisartut inatsisaat nr. 1, 20. maj 1998-imeersoq

§ 1

Umiarsualivimmiinnermut akileraarutit pillugit Inatsisartut inatsisaanni nr. 20, 30. oktober 1992-imeersumi, Inatsisartut inatsisaatigut nr. 4, 13. maj 1993-imeersukkut, Inatsisartut inatsisaatigut nr. 14, 28. oktober 1993-imeersukkut, Inatsisartut inatsisaatigut nr. 11, 13. juni 1994-imeersukkut aamma Inatsisartut inatsisaatigut nr. 17, 3. november 1994-imeersukkut allanngortinneqartumi makku allannguutigitinneqarput:


1. § 3 imatut oqaasertaqassaaq:
"§ 3. Akileraarut naatsorsorneqassaaq bruttoton-imut (BT) ataatsimut akit makku naapertorlugit:
1) Umiarsuit ilaasartaatit nal.ak. 24-t aallartinneri tamaasa 0 kr. 70 øre.
2) Angallatit aalisariutit Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasut nal.ak. 24-t aallartinneri tamaasa 0 kr. 70 øre.
3) Umiarsuit nassiussanik angallassisartussatut sananeqarsimasut, kiisalu umiarsuit allat sap.ak. aallartinneri tamaasa 0 kr. 70 øre.
Imm. 2. Umiarsuit, bruttoregisterton kisiat tunngavigalugu usitussutsiminnik uuttortissimasut BRT-imut ataatsimut akileraarutissaat akit imm. 1-imi taaneqartut naapertorlugit naatsorsorneqassaaq."

 

§ 2

Inatsisartut inatsisaat manna 1. juli 1998 aallarnerfigalugu atortuulissaaq.




Namminersornerullutik Oqartussat, ulloq 20. maj 1998.




Jonathan Motzfeldt

/

Daniel Skifte

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk