Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaata allanngortinneqarnera pillugu Inatsisartut inatsisaat nr. 26, 28. november 2019-imeersoq (Angajoqqaat sulinngiffeqartarnerinut piffissarititaasup sivitsorneqarnera)

§ 1

 

Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaanni nr. 14, 7. december 2009-meersumi tulliuttut allanngortinneqassapput:

 

1. § 15, imm. 1, ima oqaasertalerneqassaaq:
”  Meeqqap inunngornerata imaluunniit meeqqap tigunerata kingunitsiannguagut sapaatit akunnerinut 15-inut atatillugu angajoqqaat meeravissiartaartulluunniit katillugit sapaatit akunneri 21-t tikillugit angajoqqaatut sulinngiffeqarnissaq pisinnaatitaaffigaat.”

 

2. § 15, imm. 2, ima oqaasertalerneqassaaq:
“  Imm. 2.  Meeqqat inunngornerisa imaluunniit meeqqat tigunerisa kingunitsiannguagut sapaatit akunnerinut 19-inut atatillugu, meeqqanut 2-nut imaluunniit amerlanermut ataatsikkut inunngortunut angajoqqaat meeravissiartaartulluunniit katillugit sapaatit akunneri 25-t tikillugit angajoqqaatut sulinngiffeqarnissaq pisinnaatitaaffigaat.”

 

§ 2

 

Inatsisartut inatsisaat 1. januar 2020 aallarnerfigalugu atuutilissaaq, aamma naartunermi, erninermi imaluunniit meeravissiartaarnermut atatillugu sulinngiffeqarnermi atussalluni, tassani sulinngiffeqartoq ullormi inatsisip atuutilerfiani kingusinnerusukkulluunniit sulinngiffeqalersimappat.

 

 

 

Namminersorlutik Oqartussat, ulloq 28. november 2019

 

 

 

Kim Kielsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk