Annertuumik innarluutillit ikiorserneqartarnerat pillugu Inatsisartut peqqussutaata allanngortinneqarneranik Inatsisartut peqqussutaat nr. 1, 23. maj 2000-imeersoq

§ 1

Annertuumik innarluutillit ikiorserneqartarnerat pillugu Inatsisartut peqqussutaanni nr. 7-imi 3. november 1994-imeersumi Inatsisartullu peqqussutaatigut nr. 13-ikkut 31. oktober 1996-imeersukkut makku allannguutigitinneqassapput:

1. § 3, imm. 1, ima. oqaasertalerneqassaaq:
"Inuit 63-it inorlugit ukiullit Kalaallit Nunaanni aalajangersimasumik najugaqartut, eqqarsartaatsimikkut timimikkulluunniit annertuumik innarluuteqarnertik pissutigalugu immikkut iki-orserneqarnissamik pisariaqartitsisut peqqussummi matumani malittarisassat tunngavigalugit ikiorserneqarsinnaapput."

2. § 17-ip kingorna ikkunneqassaaq:
"§ 17a. Ulloq unnuarlu paaqqinniffiit Naalakkersuisunut ukiumoortumik nalunaaruteqartassapput. Naalakkersuisut kingusinnerpaamik Inatsisartut upernaakkut katersuunneranni Inatsisartunut ataatsimoortumik ukiumoortumik nalunaaruteqartassapput.
Imm. 2. Ukiumoortumik nalunaarusiap tunniunnissaa, ilusissaa imarisassai il.il pillugit tunaartarisassanik Isumaginninnermut Suliffeqarnermullu Naalakkersuisoq aalajangersaassaaq."

 

§ 2

"Peqqussut manna 1. juli 2000 atortuulersinneqarpoq. § 17a tunngavigalugu ukiumoortumik nalunaaruteqartarneq siullermeertumik pissaaq ukioq 2001."

 

 

Namminersornerullutik Oqartussat , ulloq 23. maj 2000

 

 

Jonathan Motzfeldt

/

Jørgen Wæver Johansen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk