Kalaallit Nunaanni Inatsisartunut qinersisarneq pillugu Inatsisartut inatsisaata allanngortinneqarnera nr. 2, 31. maj 2018-imeersoq (Qinersinermut ataatsimiititaliap katitigaanerata allanngortinneqarnera)

§ 1

Kalaallit Nunaanni Inatsisartunut qinersisarneq pillugu Inatsisartut inatsisaat nr. 9, 31. oktober 1996-imeersumi, Inatsisartut inatsisaanni nr. 10, 30. oktober 1998-imeersumi aamma Inatsisartut inatsisaanni nr. 21, 3. december 2012-imeersumi allanngortinneqartumi, makkua allanngortinneqarput:


1.
§ 54, imm. 2, imatut oqaasertalerneqarpoq:
   ”Qinersinermut ataatsimiititaliami ilaasortaapput Naalakkersuisut Siulittaasuata Naalakkersuisoqarfiani naalakkersuisoqarfimmut pisortaaneq, ilaasortaq ataaseq kommunit ataatsimoorlutik toqqagaat kiisalu biskoppi imaluunniit taakkua sinniisorisartagaat.”

2. § 54, imm. 4, imatut oqaasertalerneqarpoq:
   ”Naalakkersuisut Siulittaasuata Naalakkersuisoqarfiani naalakkersuisoqarfimmut pisortaaneq Qinersinermut ataatsimiititaliamut siulittaasuuvoq.”

§ 2

Inatsisartut inatsisaat ulloq 1. juni 2018 atuutilerpoq.



Namminersorlutik Oqartussat, ulloq 31. maj 2018.


Kim Kielsen


Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk