Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaata allanngortinneqarneranik Inatsisartut peqqussutaat nr. 9, 31. maj 2001-imeersoq (Uumassusilinnut tappiorannartunut tunngatillugu pitsaassutsimik nakkutilliineq)

§ 1.

Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaat nr. 17, 28. oktober 1993-imeersumi Inatsisartut peqqussutaat nr. 7, 2. maj 1996-imeersukkut allanngortinneqartumi makku allannguutigitinneqassapput.

1. § 1, imm. 1, ima oqaasertalerneqassaaq:
"  Inatsisartut peqqussutaanni ilaatinneqarput inuussutissat, nersutit nappaataat inunnut tunillaassorsinnaasut, taamatuttaaq perlerorneq trikinillu, imermik imerneqartartumik imermillu nalunnermut atorneqartartumik tamanut atorneqarsinnaatitaasumik uumassusilinnut tappiorannartunut tunngatillugu pitsaassusissaq kiisalu imermik suliarinniffiusartunik imeqarfinnillu teknikikkut eqqiluisaarnissakkullu aaqqissuussisarneq pillugit misissuisarneq, akuersissuteqartarneq+ nakkutilliinerlu."

2. Kapitali 2-mi § 3-p kingornanut ikkunneqassaaq:
"§ 3a. Erngup imerneqartartup aamma erngup nalunnermut atorneqartartup tamanut atorneqarsinnaatitaasup uumassusilinnut tappiorannartunut tunngatillugu pitsaassusissaa pillugu Naalakkersuisut malittarisassanik aalajangersaasinnaapput."

3. § 4-p kingornanut ikkunneqassaaq:
"§ 4a. Uumassusilinnut tappioraannartunut tunngatillugu erngup pitsaassusissaaanik § 3a naapertorlugu aalajangersarneqartumik nakkutilliineq pillugu Naalakkersuisut malittarisassanik aalajangersaasinnaapput."

4. Kapitali 4-imi § 9-p kingornanut ikkunneqassaaq:
"§ 9a. Pitsaassusissamut piumasaqaatinik § 3 a naapertorlugu aalajangersarneqartunik qaangiisimanernik paasisaqartoqartillugu iliuusissat pillugit Naalakkersuisut maleruagassanik aalajangersaassapput."

5. Kapitali 5-imi § 11-p kingornanut ikkunneqassaaq:
"§ 11 a. Imermik suliarinnittarfiit imeqarfiillu kiisalu naluttarfiit tamanit atorneqarsinnaasut inersuillu naluttarfiit atorneqalersinnagit naalakkersuisunit akuersissutigineqartassapput."

6. § 15, imm. 2 ima oqaasertalerneqassaaq:
"Imm. 2. Malittarisassani Inatsisartut peqqussutaat manna naapertorlugu atuutilersinneqartuni malittarisassani aalajangersakkanik unioqqutitsinernut akiliisitsisoqartarnissaa arsaarinnittoqartarnissaalu pillugit maleruagassanik aalajangersaasoqarsinnaavoq."

 

§ 2.

Inatsisartut peqqussutaat ulloq 1. juli 2001-imi atuutilerpoq.




Namminersornerullutik Oqartussat, ulloq 31. maj 2001




Jonathan Motzfeldt

/

Alfred Jakobsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk