Imigassanik aalakoornartortalinnik nioqquteqarsinnaanermut/ sassaallersinnaanermut akuersissutinut uppernarsaatitullu atsiornernut akiliutit pillugit Namminersornerullutik Oqartussat nalunaarutaat nr. 19, 18. maj 2001-imeersoq

Imigassanik aalakoornartortalinnik nioqquteqartarneq sassaallertarnerlu pillugit inatsisartut inatsisaanni nr. 11, 11. november 2000-meersumi § 24, imm. 4 malillugu aalajangersarneqarput:

 

§ 1. Imigassanik aalakoornartortalinnik nioqquteqarsinnaanermut/sassaallersinnaanermut akuersissummik tunineqarnermi 200 kr.-inik Nunatta Karsianut nakkartussanik akiliuteqartoqassaaq.

§ 2. Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaanni § 13, imm. 6 malillugu imigassanik aalakoornartortalinnik nioqquteqarsinnaanermut/sassaallersinnaanermut akuersissummi atuuttumi uppernarsaatitut atsiornermut 100 kr.-inik Nunatta Karsianut nakkartussanik akiliuteqartoqassaaq.

§ 3. Nalunaarut atuutilerpoq ulloq 1. juni 2001.
Imm. 2. Taamaattoorli imigassanik aalakoornartortalinnik nioqquteqarsinnaanermut/sassaal-lersinnaanermut akuersissutit uppernarsaatitullu atsiornerit akiliutitaqassanngillat tamanna pillugu qinnuteqaat nalunaarutip atuutilinnginnerani Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaanni § 3, imm. 1 malillugu akuersissuteqartussanut tunniunneqarsimappat.




Namminersornerullutik Oqartussat, ulloq 18. maj 2001




Simon Olsen

/

Jørn Birk Olsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk