Inatsisartut Naalakkersuisullu pillugit Inatsisartut inatsisaata allannguutaatut Inatsisartut inatsisaat nr. 10, 21. oktober 1989-imeersoq

§ 1

Inatsisartut Naalakkersuisullu pillugit Inatsisartut inatsisaanni nr. 11-mi ulloq 20. oktober 1988-imeersumi imaattut allannguutigitinneqarput:

1. § 8 imaalillugu iluarsineqarpoq:
"§ 8. Inatsisartunut imaluunniit Naalakersuisunut ilaasortaq tunuarumalluni qinnuteqaateqarpat, Inatsisartut aalajangissavaat qinnuteqaat akuerineqarsinnaanersoq.
Imm. 2. Inatsisartunut ilaasortaq peqqiilliornerminik, inuutissarsiutiminik assigisaanilluunniit pingaarutilimmik peqquteqarluni sulinngiffeqartitannissaminik qinnuteqaateqarpat, Inatsisartut aalajangissavaat qinnuteqaat akuerineqarsinnaanersoq.
Imm. 3. Naalakkersuisunut ilaasortaq peqqiilliornerminik assigisaanilluunniit pingaarutilimmik peqquteqarluni sulinngiffeqartitaanissaminik qinnuteqaateqarpat, Inatsisartut aalajangissavaat qinnuteqaat akuerineqarsinnaanersoq.
Imm. 4. Inatsisartunut ilaasortaq Inatsisartut ataatsimiinnerannut peqataasinnaanngikkallassaguni Inatsisartut siulittaasuannut nalunaaruteqassaaq. Inatsisartut aalajangissavaat suut peqataannginnissamut peqqutissaviunersut. Taamaattorli folketingip ataatsimiinnerinut peqataaneq pissutissaqavilluni peqataannginnertut isigineqassaaq.
Imm. 5. Inatsisartunut ilaasortaq ilaasortaanerminit tunuarpat, toquppat, sulinngiffeqartitaalerpat imaluunniit pissutissaqavilluni peqataasinnaajunnaarpat taassuma sinniisussaa Inatsisartut ataatsimiinnerinut peqataajartoqqullugu ataatsimiigiaqquneqassaaq. Sinniisussap qinigaasinnaanera mlsissorneqassaaq § 6-imi aamma § 1, imm. 3-mi malittarisassat naapertorlugit. Ilaasortaq sulinngiffeqareerluni pissutissaqavilluniluunniit peqataasinnajunnaarsimalluni Inatsisartuni sulinerminut uteqqippat sinniisussaq tunuassaaq.".

 

§ 2

Inatsit atortuulerpoq 15. november 1989.




Namminersornerullutik Oqartussat, ulloq 21. oktober 1989.




Jonathan Motzfeldt

/

Aqigssiaq Møller

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk