Namminersornerullutik Oqartussat naatsorsuuseriveqarnerat il. il. pillugit Inatsisartut inatsisaat nr. 23, 3. november 1994-imeersoq

§ 1. Kingusinnerpaamik Inatsisartut ukiakkut ataatsimiinneranni Landskarsip ukiumut aningaasanut inatsiseqarfiusumut qaangiuttumut naatsorsuutai naalakkersuisunit saqqummiunneqartassapput.
Imm. 2. Landskarsip naatsorsuutaasa iluarsartuunneqarneranni ukiumi pineqartumi aningaasanut aammalu ilassutitut akuersissutinut inatsisit malinneqartassapput kiisalu ukiumi aningaasanut inatsiseqarfimmi qaangiuttumi Landskarsip isertitai aningaasartuutaalu, pigisai akiligassaalu - taakkulu ukiup kaajallakkiartornerani allangorartarneri - tamakkerlugit ilanngunneqartassapput.

§ 2. Namminersornerullutik Oqartussat naatsorsuuseriveqarnerat pillugu malittarisassani pineqarput pisortaqarfiit, sullissiviit, Namminersornerullutik Oqartussat ingerlatsivii, 11. 11. misingersuutiminnik akuersissutinut inatsisini ilangussaqareersimasut.
Imm. 2. Naalakkersuisut aalajangersinnaavaat naatsorsuuseriveqarneq pillugu malittarisassat aammalu inatsit manna malillugu malittarisassiarineqartut kommuninut, sullissivinnut, peqatigiiffinnut, aningaasaateqarfinnut, 11. 11. makkunatigut ikiorserneqartartunut atuutilissanersut:
1) Landskarsip tapiissuteqarneratigut imaluunniit tunissutinik, akitsuutinik imaluunniit inatsisit malillugit isertitanik allanik iluaquserneqarnermikkut aningaasartuutiminnik imaluunniit naatsorsuutiminni amigartoorutiminnik matusisartunut, imaluunniit
2)Landskarsimit imaluunniit sullissivimmit il. il. iluaqusiissutinik nr. 1-imi pineqartunik aammalu aallartissutissaminnik aningaasaliiffigineqarsimasunut, tapiissuteqartigineqarsimasunut, taarsigassarsitinneqarsimasunut, qularnaveeqquserneqarsimasunut - aallartissutissasut aningaasaliissutit, il. 11. aningaassaliiffigineqartumut annertuumik pingaaruteqarsimassappata.
Imm. 3. Taamaattorli imm. 2 atuutitinneqartassanngilaq naatsorsuuseriveqarneq pillugu inatsisini allani malittarisassiortoqarsimappat inatsimmut matumunnga imaluunniit malittarisassanut inatsit manna malillugu aalajangersarneqartunut taputartuunneqarsinnaanngitsunik.

§ 3. Namminersornerullutik Oqartussat naatsorsuuseriveqarnerat pillugu malittarisassat naalakkersuisunit aalajangersarneqartassapput. Malittarisassat aalajangersarneqarneranni naatsorsuuserisarnerup toqqissisimasumik torersumillu ingerlanneqartarnissaata siunertarinerata saniatigut paasissusissanik aningaasaqarnerup pilersaarusiorneqartarnerani, aqunneqarnerani nakkutigineqarneranilu atugassanik pissarsisarnissamut periarfissiinissaq naalakkersuisunit siunertarisinnaavoq.

§ 4. Pisortaqarfiit, sullissiviit Namminersornerullutik Oqartussat suliffeqarfiutaasa, 11. 11. imm. 2-mi pineqartut paasissutissat naatsorsuuserinermilu atortussat naalakkersuisut Landskarsip naatsorsuutaanik saqqummiussinissaminnut atugassaat naalakkersuisunut nalunaarutigisassavaat.

§ 5. Landskarsip ukiumoortumik naatsorsuutai § 2 naapertorlugu kukkunersiorneqartassapput kukkunersiuisumit naalagaaffimmit akuerisamit Inatsisartunit taamatut atorfinitsinneqartumit.
Imm. 2. Kukkunersiuinermi naatsorsuutit eqqornersut misilinneqartassaaq, taamatullu aamma naatsorsuusiornermi qanoq iliuutsit akuersissutinut nalunaarutigineqarsimasunut, inatsisinut peqqussutinullu allanut kiisalu isumaqatigiissutaasimasunut nalinginnaasumillu suleriaatsinut naapertuuttuunersut.

§ 6. Kukkunersiuisup Landskarsip naatsorsuutai kukkunersiussavai kukkunersiueriaatsit nalinginnaasumik akuerineqarsimasut naapertorlugit, tassungalu ilanngullugu Landskarsip naatsorsuutaanut tunngatillugu atortut pissusissamisoornersut misissuataassallugit.
Imm. 2. Kukkunersiuineq pillugu Inatsisartunit: piumasarineqartut kukkunersiuisup malitassarai, taakku inatsisinut kukkunersiueriaatsinulluunniit nalinginnaasumik akuerisaasunut akerliunngippata.

§ 7. Naalakkersuisut pisussaapput paasissutissat suulluunniit naatsorsuutit nalilerneqarnissaannut pisariaqartut kukkunersiuisunut nalunaarutigissallugit.

§ 8. Ukiumut aningaasanut inatsiseqarfimmut 1995-imut atuutilissalluni inatsit 1. januar 1995-imi atuutilissaaq.
Imm. 2. Kalaallit Nunaata Landskarsiata aningaaseriveqarnera naatsorsuuseriveqarneralu pillugit landsrådip ileqqoreqqusaa decemberip 19-anni 1974-imeersoq atorunnaarsinneqarpoq.




Namminersornerullutik Oqartussat, ulloq 3. november 1994.




Lars Emil Johansen

/

Emil Abelsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk