Annertuumik innarluutillit ikiorserneqartarnerat pillugu Inatsisartut peqqussutaata allanngortinneqarnera pillugu Inatsisartut peqqusutaat nr. 13, 20. november 2006-imeersoq (Ingerlatsinermut tapiissuteqartarnermut inatsisitigut tunngavissaq)

§ 1

Annertuumik innarluutillit ikiorserneqartarnerat pillugu Inatsisartut peqqussutaanni nr. 7, 3. november 1994-imeersumi Inatsisartut peqqussutaat nr. 13, 31. oktober 1996-imeersukkut aamma Inatsisartut peqqussutaat nr. 1, 23. maj 2000-imeersukkut allanngortinneqartumi imatut allanngortitsisoqassaaq:


1. § 18-ip kingorna ilanngunneqassaaq:
" § 18 a. Naalakkersuisut sannavinnut illersugaasunut annertuumik innarluutillit nammineq inigisaminni najugaqartut suliffigisaannut ingerlatsinermut tapiissutissanik aningaasaliisinnaapput. Aningaasarsianut aningaasartuutinut kiisalu suliffissaqartitsiniarnermi atortussanut aningaasartuutinut ingerlatsinermut tapiissuteqartoqarsinnaavoq.
Imm. 2. Sannavimmut illersugaasumut ingerlatsinermut tapiissutissanik qinnuteqaatip suliarineqarneranut atugassatut kommuni ukiumoortumik naatsorsuutinik, missingersuutinik aamma ukiumoortumik nalunaarusiamik nassiussissaaq.
Imm. 3. Naalakkersuisut sannavinnut illersugaasunut annertuumik innarluutillit nammineq inigisaminni najugaqartut suliffigisaannut ingerlatsinermut tapiissutissanik agguaassisarnermut maleruagassanik erseqqinnerusunik aalajangersaasinnaapput.

 

§ 2

Inatsisartut peqqussutaat atuutilerpoq ulloq 1. januar 2007.




Namminersornerullutik Oqartussat, ulloq 20. november 2006




Hans Enoksen

/

Aleqa Hammond

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk