Namminersornerullutik Oqartussat missingersuutaat (2017-imut aningaasanut inatsisissaq, nunamut tamarmut akileraarutissaq, kommunimut akileraarutissaq, kommunit missingersuutissaat aamma ulluunerani paaqqinnittarfinnut akiliutissat) pillugit Inatsisartut inatsisaata allanngortinneqarneranik Inatsisartut inatsisaat nr. 18, 9. november 2016-imeersoq

§ 1

Namminersornerullutik Oqartussat missingersuutaat pillugit Inatsisartut inatsisaanni nr. 8, 29. oktober 1999-imeersumi, Inatsisartut inatsisaatigut nr. 1, 23. maj 2000-imeersukkut allanngortinneqartumi makku allannguutigitinneqarput:


1.
§ 10-mi imm. 2-miit 6-imut nutaatut ilanngunneqarput:
"Imm. 2. 2017-imut aningaasanut inatsit kingusinnerpaamik 25. november 2016-imi akuersissutigineqariissaaq.
Imm. 3. Nunamut tamarmut akileraarutip 2017-imi procentia kingusinnerpaamik 25. novem­ber 2016-imi angissusilerneqariissaaq.
Imm. 4. Nunamut tamarmut immikkut akileraarutip 2017-imi procentia kingusinnerpaamik 25. november 2016-imi angissusilerneqariissaaq.
Imm. 5. Kommunimut akileraarutip 2017-imi procentia kingusinnerpaamik 7. december 2016-imi angissusilerneqariissaaq.
Imm. 6. Meeqqat, kommunit meeqqanut suli atualerneqanngitsunut ulluunerani neqerooru­taanniittarnerinut 2017-imi akigititat kingusinnerpaamik 7. december 2016-imi angissusilerneqariissapput."


§ 2

Inatsisartut inatsisaat una Inatsisartunit akuersissutigineqarnermini erngerluni atortuulissaaq. Inatsit 1. januar 2017-ip tungaanut atuutissaaq.




Namminersorlutik Oqartussat, ulloq 9. november 2016.


Kim Kielsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk