Atuisartunut pisisartunullu siunnersuisartoqatigi.it, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsissaata allanngortinneqarneranik Inatsisartut inatsisaat nr. 1, 28. februar 1994-imeersoq

§ 1

Atuisartunut pisisartunullu siunnersuisartoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaanni nr. 10-mi 13. november 1986-imeersumi, kingusinnerusukkut Inatsisartut inatsisaatigut nr. 29-kkut 30. oktober 1992-imeersukkut allannguuteqartinneqarsimasumi makku allannguutigitinneqassapput:

 

1.  § 2, imm. 2 imatut oqaasertalerneqassaaq:
"§ 2, imm. 2. Atuisartunut pisisartunullu siunnersuisartoqatigiit allattoqarfeqarnikkut suliassaat atuisartunut pisisartunullu siunnersuisartoqatigiit allattoqarfiannit isumagineqassapput."

2. § 4, imm. 2, 2. pkt. imatut oqaasertalerneqassaaq:
"§ 4. imm. 2, 2. pkt. Atuisartunut pisisartunullu siunnersuisartoqatigiit oqartussaassuseqarnertik atuisartunut pisisartunullu siunnersuisoqatigiit allattoqarfiannut aamma atuisartunut pisisartunullu tunngasunut ataatsimiititalianut tunniussinnaavaat."

3. § 5 imatut oqaasertalerneqassaaq:
"§ 5. Atuisartunut pisisartunullu siunnersuisartoqatigiit suleriaasissartik nammineq aalajangersassavaat."

 

§ 2

Inatsisartut inatsisaat manna 1. april 1994 atortuulersinneqarpoq.




Namminersornerullutik Oqartussat, ulloq 28. februar 1994




Lars Emil Johansen

/

Ove Rosing Olsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk