Ilagiinni ikiortit atorfinitsinneqartarnerat pillugu Namminersornerullutik Oqartussat nalunaarutaat nr. 39, 29. december 1998-imeersoq Atuussimasoq (Historisk)

Ilagiinni atorfinitsitsisarnerit pillugit Inatsisartut peqqussutaanni nr. 8-mi 30. oktober 1998-imeersumi § 11, imm. 2 malillugu aalajangersarneqarput:

 

Nalunaarutip atuuffia.

§ 1. Nalunaarummi matumani malittarisassat Ilagiinni ikiortinik atorfinitsitsisarnernut atorneqassapput, soorlu palaseqarfimmi ikiortinik, eqqiaanermi ikiortinik il.il..
Imm. 2. Iliveqarfilerinermi ikiortit nalunaarummi matumani pineqanngillat.

§ 2. Ilagiinni ikiortit atorfinitsinneqartarnerat soraarsinneqartarnerallu pillugit palasi palaseqarfimmi aqutsisuusoq inassuteqaateqartassaaq.

§ 3. Palasi provsti aqqutigalugu provsteqarfimmi ataatsimiititaliamut, atorfinitsitsinerit soraarsitsinerillu pillugit inaarutaasumik aalajangiisussamut inassuteqaateqartassaaq.
Imm. 2. Provsteqarfimmi ataatsimiititaliap atorfinitsitsisarnerit soraarsitsisarnerillu pillugit inaarutaasumik aalajangiisarneq pillugu oqartussaassutsi provstimut tunniussinnaavaa.

§ 4. Nalunaarut 1. februar 1999-imi atulerpoq.




Namminersornerullutik Oqarttussat, ulloq 18. januar 1999.




Konrad Steenholdt

/

Karl Kristian Olsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk