Qalerallit avataasiorluni aalisarnermi pisarineqartut akitsuutaat pillugu Inatsisartut inatsisaata allanngortinneqarnera pillugu Inatsisartut inatsisaat nr. 10, 8. juni 2014-imeersoq (Avaleraasartuunut akitsuut)

§ 1

Qalerallit avataasiorluni aalisarnermi pisarineqartut akitsuutaat pillugu Inatsisartut inatsisaanni nr. 11, 3. december 2012-imeersumi, Inatsisartut inatsisaatigut nr. 9, 29. November 2013-imeersukkut allan­ngortinneqartumi makku allannguutigitinneqarput:


1.
Inatsisip taaguutaa ima oqaasertaqassaaq:
”Qalerallit avaleraasartuullu avataasiorluni aalisarnermi pisarineqartut akitsuutaat pillugit Inatsisartut inatsisaat.”

2. § 1, imm. 1, ima oqaasertaqassaaq:
”Suliffeqarfiit aamma inuit avataasiorluni qaleralinniarnissamut taamatullu aamma avaleraasartoorniarnissamut pisassinneqarsimasut pisamik ilaasa, aalisarneq pillugu inatsit naapertorlugu Kalaallit Nunaanni tu­nitsivimmut tunisassiorfimmulluunniit tunineqartussaanngitsut landskarsimut akitsuutaannik, inat­simmi matumani aalajangersakkat naapertorlugit akiliissapput.”

3. § 2-p kingornagut qulequtaq ima oqaasertaqassaaq:

Qalerallit akitsuutaat

4. § 3, imm. 1, ima oqaasertaqassaaq:
”Akitsuut qaleralimmut kiilumut 2,50 koruuniuvoq, takuulli imm. 2.”

5. § 3, imm. 2, punktum siulleq, ima oqaasertaqassaaq:
”Akitsuut qaleralimmut kvartalikkaartumik aaqqiivigineqartassaaq kvartalip siuliani akitsuutip angissusia tunngavigalugu aammalu qalerallit akiisa uuliap danskit koruuninngorlugit akianut sanilliullutik allanngorarnerisa angeqqataannik.”

6. § 3-p kingornagut qulequtaq nutaaq ilanngunneqassaaq:

Avaleraasartuut akitsuutaat

7. Qulequttap nutaap kingornagut ilanngunneqassaaq:
§ 3a.  Akitsuut avaleraasartuumut, angallat Kalaallit Nunaanni angerlarsimaffeqartutut nalunaar­sorneqarsimasoq atorlugu pisarineqartumut kiilumut 0,95 koruuniuvoq.
Imm. 2.  Akitsuut avaleraasartuumut, angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartumut kiilumut 0,95 koruuniu­voq.”

8.§ 7 ima oqaasertaqassaaq:
§ 7.  Naalakkersuisut qalerallit akitsuutaannik akiliinnginnissamik qinnuteqaat akuerisinnaavaat, misileraalluni aalisarnissaq peqassutsimut imaluunniit inuussutissarsiornermut pingaaruteqartoq akuersissutigineqarsimappat, aammalu akiliinnginnissamik akuersinerup aningaasatigut sunniutissai annertunngippata.”

 

§ 2

Inatsit 1. maj 2014-imi atortuulissaaq, atuutissallunilu avaleraasartuunut 1. maj 2014-imi kingusin­nerusumiluunniit pisarineqartunut. 2014-imi aningaasanut inatsimmi kontumut pingaarnermut 24.11.26-mut oqaasertaliunneqartumi nr. 1-imi aalajangersagaq taassuma ilutigisaanik atorunnaar­sinneqassaaq.



Namminersorlutik Oqartussat, ulloq 8. juni 2014




Aleqa Hammond

 

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk