Ineqarnermut tapiissutisinissamut aningaasanut killiliussat, nammineq akileeqataassutissat kiisalu ineqarnermut tapiissutit aningaasartaasa annerpaaffissaat minnerpaaffissaallu pillugit Namminersornerullutik Oqartussat nalunaarutaat nr. 34, 13. september 2001-imeersoq Atuussimasoq (Historisk)

Inissiani attartortittakkani ineqarnermut tapiissutit pillugit Inatsisartut peqqussutaat nr. 3, 31. maj 2001-imeersumi § 6, imm. 3 naapertorlugu makku aalajangersarneqarput:

 

§ 1.  Inoqutigiittut isigineqarput inersimasut meeqqallu tamarmik inissiami aalajangersimasumik najugallit.
Imm. 2. Ineqarnermut tapiissutit tunniunneqassapput inoqutigiit tamarmiusut ukiumi akileraarfiusumi kingullermi ilisimaneqartumi isertitaat akileraaruteqaataasussat tamarmiusut tunngavigalugit.

§ 2.  Inoqutigiinnut meerartaqanngitsunutineqarnermut tapiissutisinissamut killissarititaavoq kr. 180.000.
Imm. 2. Inoqutigiinnut ataatsimik meerartalinnut  ineqarnermut tapiissutisinissamut killissarititaavoq kr. 372.000.
Imm. 3. Inoqutigiinnut marlunnik meerartalinnut ineqarnermut tapiissutisinissamut killissariti­taavoq kr. 396.000.
Imm. 4. Inoqutigiinnut pingasunik meerartalinnut ineqarnermut tapiissutisinissamut killissarititaavoq kr. 408.000.
Imm. 5. Inoqutigiinnut sisamanik meerartalinnut ineqarnermut tapiissutisinissamut killissariti­taavoq kr. 416.000.
Imm. 6. Inoqutigiinnut tallimanik meerartalinnut ineqarnermut tapiissutisinissamut killissariti­taavoq kr. 428.000.
Imm. 7. Inoqutigiinnut arfinilinnik amerlanernilluunniit meerartalinnut ineqarnermut tapiissutisinissamut killissarititaavoq kr. 444.000.

§ 3.  § 2-imi killissarititaasut tikillugit isertitaqqortussutsini assigiinngitsuni nammineq akileeqataassutissaq ilanngussaq 1-imi takuneqarsinnaavoq.

§ 4.  Ineqarnermut tapiissutit ukiumut  kr. 1.200-nit annikinnerusut tunniunneqartussaanngillat. Ukiumit ataatsimit sivikinnerusumik ineqarnermut tapiissutisisinnaatitaanermi minnerpaamik tunniunneqarsinnaasoq piffissamut naleqquttumik ilaannakortumik  annertussuseqassaaq.

§ 5.   Ineqarnermut tapiissutit inoqutigiinnut ataatsinut ukiumut annerpaamik kr 60.000-inik annertussuseqarsinnaapput. Ukiumit ataatsimit sivikinnerusumik ineqarnermut tapiissutisisinnaa­titaanermi annerpaamik tunniunneqarsinnaasoq piffissamut naleqquttumik ilaannakortumik annertussuseqassaaq.

§ 6.  Nalunaarut atortuulerpoq 1. januar 2002 aallarnerfigalugu.



Namminersornerullutik Oqartussat, ulloq, 13. september 2001



Jørgen Wæver Johansen

/

Martha Abelsen 


Ilanngussaq 1

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk