Qalerallit akitsuutaat aamma aalisakkat ikerinnarsiortut ilaasa Tunumi aalisarnermi pisarineqartut akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. 9, af 6. juni 2016-imeersoq (Saarulliit, kullerit, saarulliusaat aamma suluppaakkat akitsuutaat)

§ 1

Qalerallit avataasiorluni aalisarnermi pisarineqartut akitsuutaat pillugit Inatsisartut inatsisaanni nr. 11, 3. december 2012-imeersumi, Inatsisartut inatsisaatigut nr. 9, 29. november 2013-imeersukkut, Inatsisartut inatsisaatigut nr. 10, 8. juni 2014-imeersukkut aamma Inatsi­sartut inatsisaatigut nr. 35, 9. december 2015-imeersukkut allanngortinne­qartumi makku allan­nguu­tigitinneqarput:

1. Inatsisip taaguutaa ima oqaasertaqassaaq:
”Qalerallit aamma aalisakkat allat ilaasa akitsuutaat pillugit Inatsisartut inatsisaat.”

2. § 1, imm. 1, ima oqaasertaqassaaq:
”Qalerallit aamma aalisakkat allat ilaasa Kalaallit Nunaata aalisarnikkut oqartussaaffigisaani, nunat allat aalisarnikkut oqartussaaffigisaanni imaluunniit nunat tamat imartaanni aalisarneqartut akitsuutaat inatsimmi matumani aalajangersakkat naapertorlugit akilerneqassapput.”

3. § 1, imm. 2, ima oqaasertaqassaaq:
”Naalakkersuisut aamma nunani allani nunamiluunniit maani oqartussaasut aalisarneq pillugu isumaqatigiissutaat naapertorlugit Kalaallit Nunaata aalisarnikkut oqartussaaffigisaani aalisarneq inatsimmi matumani pineqartunut ilaanngilaq.”

4. § 2-mi imm. 2-p kingornagut immikkoortutut nutaatut ilanngunneqassaaq:
”  Imm. 3.  Imm. 1-imi pineqartuni akitsuut pisat uumatillugit oqimaassusiat naapertorlugu naatsorsorneqassaaq.”

5. § 3-p kingornagut aamma § 3b-p siornagut qulequtaq peerneqassaaq, aalajangersakkallu taakku akornanniittut atorunnaarsinneqassallutik. Taarsiullugu ilanngunneqassaaq:

”Aalisakkat ikerinnarsiortut ilaasa akitsuutaat”

§ 3 a.  Suliffeqarfiit imaluunniit inuit aalisakkat ikerinnarsiortut ilaannik Tunumi, nunat allat aalisarnikkut oqar­tussaaffigisaanni imaluunniit nunat tamat imartaanni aalisarnissamut pisassinneqarsimasut landskarsimut akitsuummik akiliissapput. Akitsuutit, angallati­nut Kalaallit Nunaanni angerlarsimaffeqartutut aamma Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasunut tunngatillugu angissuseqarput:
1) Ammassassuaq,
a) angallat Kalaallit Nunaanni angerlarsimaffeqartutut nalunaarsorneqarsimasoq atorlugu pisarineqartoq ..….......................................................................................................................................................... kiilumut 0 kr. 25 øre.
b) angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartoq ………………………………………..…................................................................. kiilumut 0 kr. 80 øre.
2) Ammassak,
a) angallat Kalaallit Nunaanni angerlarsimaffeqartutut nalunaarsorneqarsimasoq atorlugu pisarineqartoq ..........................................................................................................................………….kiilumut 0 kr. 15 øre.
b) angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartoq ……………………………………...............................................................……… kiilumut 0 kr. 70 øre.
3) Avaleraasartooq,
a) angallat Kalaallit Nunaanni angerlarsimaffeqartutut nalunaarsorneqarsimasoq atorlugu pisarineqartoq ........................................................................................................................................... kiilumut 0 kr. 95 øre.
b) angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartoq ……………………………………...…................................................................... kiilumut 1 kr. 50 øre.”
  Imm. 2.  Aktie- imaluunniit anpartsselskabip Kalaallit Nunaanni angerlarsimaffeqartup angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq inuttaqartinnagu, kisiannili angallatip naalagaa, maskinmesteria taakkuluunniit marluk kisiisa ilanngullugit attartorpagu, akitsuutit angallatinut Kalaallit Nunaanni angerlarsimaffeqartutut nalunaarsorneqarsimasunut atuuttut akilerneqassapput.


Qalerallit sinerissap qanittuani pisarineqartut akitsuutaat

6. § 3b-p kingornagut qulequtaq nutaaq ilanngunneqassaaq:

”Saarulliit, kullerit, saarulliusaat aamma suluppaakkat akitsuutaat”

7. Qulequttap nutaap kingornagut ilanngunneqassaaq:
§ 3 c.  Suliffeqarfiit imaluunniit inuit avataasiorluni aalisarnermi saarullinniarnissamut, kullererniarnissamut, saarulliusaarniarnissamut imaluunniit suluppaagarniarnissamut pisassinneqarsimasut akitsuummik kiilumut 0,55 kr.-iusumik akiliissapput.”

8. § 3 c-p nutaap kingornagut qulequtaq nutaaq ilanngunneqassaaq:

Akitsuummik naatsorsuineq akiliinerlu

 9. § 4, imm. 2-mi 3-milu allassimasoq ”§ 3, imm. 1 aamma § 3 a” allanngortinneqassaaq ima: ”§ 3, imm. 1, § 3 a aamma § 3 c".

10. § 8, imm. 1 ima oqaasertaqassaaq:
”§ 1, imm. 1-imik, § 3, imm. 1-imik, § 3 a, imm. 1-imik, § 3 b-mik, § 3 c-mik, § 4, imm. 2-mik 3-mil­luunniit, § 4 a, imm. 1-imik 2-millu piaaraluneerluni mianersuaalliorujussuarluni­luunniit unioqqutitsineq, imaluunniit akiliinissamut piffissaliussamit sivikinnerusumik piffissaqarluni akiliinissamik qularna­veeqqusiinissamilluunniit § 5 naapertorlugu peqquneqarnermik malinninnginneq Kalaallit Nunaanni pinerluttuleri­nermik inatsimmi maleruagassat naapertorlugit pineqaatissiinermik kinguneqarsinnaavoq.”

 

§ 2

Inatsisartut inatsisaat 1. januar 2017-imi atortuulissaaq.



Namminersorlutik Oqartussat, ulloq 6. juni 2016


Kim Kielsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk