Inissialiornermut tapersiissuteqartarneq pillugu inatsisartut peqqussutaani kapitali 4 naapertorlugu taarsigassarsilluni illugineqartut attartortinneqartarnissaat pillugu Namminersornerullutik Oqartussat nalunaarutaat nr. 13, 22. marts 1994-imeersoq

Inissialiornermut tapersiissuteqartarneq pillugu Inatsisartut peqqussutaani nr. 1-imi 9. april 1992-imeersumi § 20 naapertorlugu aalajangersarneqarpoq:

 

§ 1. Inissialiornermut tapersiissuteqartarneq pillugu Inatsisartut peqqussutaani kapitali 4 malillugu taarsigassarsilluni illugineqartut attartortinneqarnissaat Naalakkersuisunit akuerineqarsinnaavoq.

§ 2. Taamaallaat § 1 malillugu akuersisoqarsinnaavoq taarsigassarsisimasoq illoqarfimmi nunaqarfimmiluunniit allami najugaqalerallarsimappat. Taarsigassarsisup nuunnera nalunaarutigineqassaaq nutaamik najugariligaa nalunaarlugu.
Imm. 2. Sivisunerpaamik ukiumut ataatsimut akuersissuteqartoqarsinnaavoq.
Imm. 3. Najugaqalerallarsimaneq imm. 1-imi eqqartorneqartoq ilinniarniarnermik pissuteqarpat akuersissuteqartoqarsinnaavoq ilinniarnerup sivisoqataanut.
Imm. 4. Attartornerup naanerani attartortitsinerup sivitsorneqarnissaa kissaatigineqarpat nalunaarununi uvani maleruagassat malillugit nutaamik akuersissuteqartoqarnissaa qinnutigineqassaaq.

§ 3. Attartornissamik isumaqatigiissuteqarneq pissaaq iinmersugassaq Naalakkersuisunit akuerisaasimasoq atorlugu aammalu taanna Naalakkersuisunit akuerineqassalluni.
Imm. 2. Attartorneq immersugassami sivisussusiliussaasimasumit sivikinneruppat attartorunnaarneq ingerlaannartumik Naalakkersuisunut nalunaarutigineqassaaq.

§ 4. Attartornermut akiliut qaammammut akilerneqartartussanngorlugu angissusiliivigineqassaaq angissuserissallugulu taarsigassarsisup akilersuutigisartagaata qaammammut agguataarlugu angissusia illup sillimmataanik aserfallatsaalinissaanullu aningaasaliissutissanik ilallugu.
Imm. 2. Pissutsit immikkut ittut pisariaqartippassuk attartornermut akiliut immikkoortoq 1-imi eqqartorneqartumit anginerutinneqarsinnaavoq mikinerutinneqarsinnaalluniluunni i t.

§ 5. Taarsigassarsisup akisussaaffigaa ukiup affakkaartumik taarsersuutitut akiliutigineqartartut attartortitsinerup nalaani piffissaq eqqorlugu akilerneqartarnissaat.
Imm. 2. Attartortitsinissamik akuersinermut tunngavigineqarsinnaavoq attartortup attartornermut akiliummik kommuunimut akiliisarnissaa taarsigassarsisup taarsigassarsiaanut nakkartartussanik.

§ 6. Inissialiornermut tapersiissuteqartarneq pillugu Inatsisartut peqqussutaani § 13 malillugu taarsigassarsisup ineqarnermut meeqqanut tapiissutinik pisassaqartitaanera illup attartortinneqarnerani atorunnaassaaq. Attartortitsinerup aallartinneraniit akiliiffissap aappaanit atuutilersumik tapiissutit atorunnaassapput atuutissanatillu attartortitsiunnaarnerup kingornagut akiliiffissap aappaanut.

§ 7. Nalunaarut atulissaaq ulloq 1. april 1994.




Namminersornerullutik Oqartussat, ulloq 22. marts 1994




Emil Abelsen

/

Peter Beck

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk