Qalerallit avaleraasartuullu avataasiorluni aalisarnermi pisarineqartut akitsuutaat pillugit Inatsisartut inatsisaata allanngortinneqarnera pillugu Inatsisartut inatsi­saatnr. 35, 9. december 2015-imeersoq (Qalerallit immannguaannaq suliat suliarineqanngitsullu akitsuutaat kiisalu aalisakkat ikerinnarsiortut ilaasa Tunumi pisarineqartut akitsuutaat)

§ 1

Qalerallit avaleraasartuullu avataasiorluni aalisarnermi pisarineqartut akitsuutaat pillugit Inatsisartut inatsisaanni nr. 11, 3. december 2012-imeersumi, Inatsisartut inatsisaatigut nr. 9, 29. november 2013-imeersukkut aamma Inatsisartut inatsisaatigut nr. 10, 8. juni 2014-imeersukkut allanngortinneqartumi makku allannguutigitinneqarput:


1.
  Inatsisip taaguutaa ima oqaasertaqassaaq:
”Qalerallit akitsuutaat aamma aalisakkat ikerinnarsiortut ilaasa Tunumi aalisarnermi pisarineqartut akitsuutaat pillugit Inatsisartut inatsisaat.”

2.  § 1, imm. 1, ima oqaasertaqarpoq:
” Qalerallit Kalaallit Nunaata oqartussaaffigisaani nunallu allat oqartussaaffigisaanni aalisarneqartut aamma aalisakkat ikerinnarsiortut ilaat Tunumi aalisarnermi aalisarneqartut akitsuutaat inatsimmi matumani aalajangersakkat naapertorlugit akilerneqassapput.”

3.  § 2 ima oqaasertaqarpoq:
”§ 2.  Akitsuummik akiliisussaatitaaneq piffissami pisarineqarfianni atuutilissaaq, taamaattorli tak. imm. 2.
  Imm. 2.  Sinerissap qanittuani qaleralinniarnermi akitsuummik akiliisussaatitaaneq piffissami tunitsivimmut tunisassiorfimmulluunniit, matumani aamma umiarsuarmut tunitsivimmut tunisinermi atuutilissaaq.”

4.  § 3, imm. 1, ima oqaasertaqarpoq:
§ 3.  Suliffeqarfiit aamma inuit avataasiorluni qaleralinniarnissamut pisassinneqarsimasut qaleralinnut kiilumut akitsuut 2,50 kr.-iusoq akilissavaat, taamaattorli tak. imm. 2. Akitsuutip naatsorsornerani ilanngunneqassanngillat pisat ilaat saaniiagassatut tunineqartussat.”

5.  § 3-p kingornagut qulequtaq ima oqaasertaqassaaq:

”Aalisakkat ikerinnarsiortut ilaasa Tunumi aalisarnermi pisarineqartut akitsuutaat”

6.  Qulequttap nutaap kingornagut ilanngunneqassaaq:
§ 3 a.  Aalisakkat ikerinnarsiortut ilaasa Tunumi aalisarnermi pisarineqartut akitsuutaat, angallatinut Kalaallit Nunaanni angerlarsimaffeqartutut aamma Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasunut tunngatillugu angissuseqarput:
1) Ammassassuaq,
a) angallat Kalaallit Nunaanni angerlarsimaffeqartutut nalunaarsorneqarsimasoq atorlugu pisarine­qartoq…............................................................................kiilumut 0 kr. 25 øre.
b) angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartoq ………………...... kiilumut 0 kr. 80 øre.

2) Ammassak,
a) angallat Kalaallit Nunaanni angerlarsimaffeqartutut nalunaarsorneqarsimasoq atorlugu pisarineqartoq...............................................................................kiilumut 0 kr. 15 øre.
b) angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartoq …....…………… kiilumut 0 kr. 70 øre.

3) Avaleraasartooq,
a) angallat Kalaallit Nunaanni angerlarsimaffeqartutut nalunaarsorneqarsimasoq atorlugu pisarineqartoq ..............................................................................kiilumut 0 kr. 95 øre.
b) angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq atorlugu pisarineqartoq ………................. kiilumut 1 kr. 50 øre.

  Imm. 2.  Aktie- imaluunniit anpartsselskabip Kalaallit Nunaanni angerlarsimaffeqartup angallat Danmarkimi, Savalimmiuni nunaniluunniit allani angerlarsimaffeqartutut nalunaarsorneqarsimasoq inuttaqartinnagu, kisiannili angallatip naalagaa, maskinmesteria taakkuluunniit marluk kisiisa ilanngullugit attartorpagu, akitsuutit angallatinut Kalaallit Nunaanni angerlarsimaffeqartutut nalunaarsorneqarsimasunut atuuttut akilerneqassapput.

7.  § 3 a-p kingornagut qulequtaq nutaaq ima oqaasertaqassaaq:

”Qalerallit sinerissamut qanittumi aalisarnermi pisarineqartut akitsuutaat”

8.  Qulequttap nutaap kingornagut ilanngunneqarpoq:
§ 3 b.  Suliffeqarfiit aamma inuit § 3, imm. 1-imi pineqartunut ilaanngitsut akitsuut, qalerallit tunitsivimmut tunisassiorfimmulluunniit tuninerisigut isertitamik 5 procentiisut angissusilik akilissavaat.
  Imm. 2.  Isertitanik imm. 1-imi taaneqartunik tunniussisup akitsuut tunniussilernermini unerartissavaa. Unerartitsineq pissaaq unerartitsisussaatitaasup aningaasanik unerartinneqartussanik naatsorsuineratigut, aningaasallu isertitanit ilanngaatiginerisigut.”

9.  § 4, imm. 2 aamma 3, ima oqaasertaqarput:
”  Imm. 2.  Suliffeqarfiit aamma inuit akitsuummik akiliisussaatitaasut § 3, imm. 1-imi aamma § 3 a-mi taaneqartut akitsuutip naatsorsornissaanut akitsuutillu eqqortumik akilerneqarnissaanik nakkutilliinissamut tunngavigineqarsinnaasunik naatsorsuusiussapput.
  Imm. 3.  Suliffeqarfiit aamma inuit akitsuummik akiliisussaatitaasut § 3, imm. 1-imi aamma § 3 a-mi taaneqartut akitsuusigassat taakkualu akitsuutitaat piffissap akitsuusiiffiusup qaangiunnerani, kingusinnerpaamillu piffissap akitsuusiiffiusup qaangiunnerata kingorna qaammammi ulluinnarmi kingullermi akileraaruseriffimmut nalunaarutigalugillu akilissavaat.”

10.  § 4 a-tut nutaatut ilanngunneqarpoq:
§ 4 a.  Suliffeqarfiit unerartitsisussaatitaasut § 3 b, imm. 2-mi taaneqartut suliffeqarfiit aamma inuit qaleralinnik tunisisartut, isertitat tunniunneqartut, bonusit il.il. paasissutissallu allat pillugit naatsorsuusiussapput, akitsuutip naatsorsornissaanut akitsuutillu eqqortumik akilerneqarnissaanut tunngaviusinnaasunik.
  Imm. 2.  Suliffeqarfiit aamma inuit unerartitsisussaatitaasut § 3 b, imm. 2-mi taaneqartut tunitsivinnut tunisassiorfinnulluunniit ataasiakkaanut tunngatillugu tunisat akitsuusigassat amerlassusii, pissarsiat tunniunneqartut amerlassusii taakkualu akitsuutitaat piffissap akitsuusiiffiusup qaangiunnerani, kingusinnerpaamillu piffissap akitsuusiiffiusup qaangiunnerata kingorna qaammammi ullu­innarmi kingullermi akileraaruseriffimmut nalunaarutigalugillu akilissavaat.
  Imm. 3.  Nalunaarut piffissaagallartillugu nassiunneqanngippat akiliisitsissut piffissamut akitsuummik akiliiffissamut akitsuutip 2 procentiinik angissuseqartoq, minnerpaamilli 500 kr.-iusoq annerpaamillu 5.000 kr.-iusoq akilerneqassaaq.”

11.  § 7 ima oqaasertaqassaaq:
§ 7.  Naalakkersuisut akitsuummik akiliinnginnissamik qinnuteqaat akuerisinnaavaat, misileraalluni aalisarnissaq peqassutsimut imaluunniit inuussutissarsiornermut pingaaruteqartoq akuersissutigineqarsimappat, aammalu akiliinnginnissamik akuersinerup aningaasatigut sunniutissai annertunngippata.”

12. § 8, imm. 1 ima oqaasertaqassaaq:
§ 8.   § 1, imm. 1-imik, § 3, imm. 1-imik, § 3 a, imm. 1-imik, § 3 b-mik, § 4, imm. 2-mik 3-mil­luunniit, § 4 a, imm. 1-imik 2-millu piaaraluneerluni mianersuaalliorujussuarluniluunniit unioqqutitsineq, imaluunniit akiliinissamut piffissaliussamit sivikinnerusumik piffissaqarluni akiliinissamik qularnaveeqqusiinissamilluunniit § 5 naapertorlugu peqquneqarnermik malinninnginneq Kalaallit Nunaanni pinerluttulerinermik inatsimmi maleruagassat naapertorlugit pineqaatissiinermik kinguneqarsinnaavoq.”


§ 2

Inatsisartut inatsisaat 1. januar 2016-imi atortuulissaaq.



Namminersorlutik Oqartussat, ulloq 9. december 2015


Kim Kielsen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk