Namminersornerullutik Oqartussat missingersuutaat pillugit Inatsisartut inatsisaata allanngortinneqarneranik Inatsisartut inatsisaat nr. 30, 23. november 2017-imeersoq (2018-imut aningaasanut inatsisit, nunamut tamarmut akileraarut, kommunimut akileraarut, kommunit missingersuutaat aamma ulluunerani paaqqinniffinnut akiliut).


§ 1

Namminersornerullutik Oqartussat missingersuutaat pillugit Inatsisartut inatsisaanni nr. 8, 29. oktober 1999-imeersumi, Inatsisartut inatsisaanni nr. 1, 23. maj 2000-imeersumi aammalu kingullermik Inatsisartut inatsisaanni nr. 18, 9. november 2016-imeersumi allanngortinneqartumi makkua allanngortinneqarput:


1. 
§ 10-imi imm. 2-6-itut nutaatut ilanngunneqarput:
"Imm. 2. 2018-imut aningaasanut inatsit kingusinnerpaamik ulloq 20. november 2017 akuerineqassaaq.
Imm. 3. 2018-imut nunamut tamarmut akileraarummut akileraarusiinermi procentiliussaq kingusinnerpaamik ulloq 20. november 2017 aalajangersarneqassaaq.
Imm. 4. 2018-imut immikkut nunamut tamarmut akileraarummut akileraarusiinermi procentiliussaq kingusinnerpaamik ulloq 20. november 2017 aalajangersarneqassaaq.
Imm. 5. 2018-imut kommunimut akileraarummut akileraarusiinermi procentiliussaq kingusinnerpaamik ulloq 5. december 2017 aalajangersarneqassaaq.
Imm. 6. Meeqqat, meeqqanut suli atualersimanngitsunut kommunip ulluunerani neqeroorutaaniinnerannut, 2018-imut akigititassat kingusinnerpaamik ulloq 5. december 2017 aalajangersarneqassapput."


§ 2

Inatsisartut inatsisaat manna Inatsisartuni akuerineqarnermi kingorna ingerlaannaq atuutilerpoq. Inatsit ulloq 31. december 2017 tikillugu atuuppoq.



Namminersorlutik Oqartussat, ulloq 23. november 2017.


Kim Kielsen 


Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk