Ilinniarnertuunngorniarfik pillugu Inatsisartut inatsisaanni nr. 13, 22. november 2011-meersumi § 21 aamma § 27 malillugit aalajangersarneqarpoq:

Kapitali 1
Nassuiaatit

§ 1.  Ilikkagassatut pilersaarutit imatut paasineqassapput, tassaasut malittarisassat qaffasissutsini assigiinngitsuni ilinniartitsissutinut ataasiakkaanut atuuttut. Ilikkagassatut pilersaarutinut ilaapput ilinniartitsissutip inissisimanerata, siunertaata, ilikkagassatut anguniagaasa imarisaasa, ilinniartitsinerup aaqqissuunnerata nalilerneratalu allaaserinerat. Ilinniartitsissutini ataasiakkaani ilikkagassatut pilersaarutit nalunaarummut matumunnga ilanngussani 1-59-ini ersipput.

§ 2.  Ilinniartitsissutip ilinniagaqarnermi inissisimanera imatut paasineqassaaq ilinniartitsissutip ilinniagaqarnermi siunertaanut tamarmiusumut ilinniartitsissutip pingaarnertut imarisaanut periutsimullu tapersiinera.

§ 3.  Ilinniartitsissutip siunertaa imatut paasineqassaaq ilinniartitsissutini ataasiakkaani ilinniartitsissutillu immikkoortuini ilinniartitsinerup siunertaa. Ilinniartitsissutit siunertai ilinniartitsissutini ataasiakkaani ilinniartitsissutillu immikkoortuini sammisanut sisamanut naligiinnut agguarneqarput, tassaallutillu:
1) Ilisimasat pisinnaasallu.
2) Ilikkagaqartarnermi sulinermilu piginnaasat.
3) Inuttut inuillu attaveqaqatigiittarneranni piginnaasat.
4) Kulturikkut inuiaqatigiinnilu piginnaasat.

§ 4.  Ilinniartitsissutini ataasiakkaani ilikkagassatut anguniakkat imatut paasineqassapput anguniakkat immikkuualuttui, taakkunanilu ilinniartitsissutit naammassineranni ilinniagaqartut pisinnaasaqarfigiligassaattut ilimagisaasut. Ilinniartitsissutini anguniakkat ilinniartitsissutit imarisaat ilanngullugit ingerlaavartumik nalilersuisarnernernut aammalu ilinniartitsissutit naammassineranni nalilersuisarnernut qitiusumit aalajangerneqartunut tunngaviliissapput.
Imm. 2.  Imarisaat imatut paasineqassapput pingaarnertut imarisaat aamma imarisaannut ilassutit, tak. imm. 3 aamma 4. Pingaarnertut imarisaat aamma imarisaannut ilassutit ilinniartitsissutini anguniakkat anguneqarnissaannut pisariaqarput. Pingaarnertut imarisaannik aamma imarisaannut ilassutinik toqqaanermi ilinniartut peqataatinneqassapput.
Imm. 3.  Pingaarnertut imarisaat imatut paasineqassapput qaffasissutsini pineqartuni ilinniartitsissutit imarisaat ilinniartut tamarmik pinngitsooratik ilinniagassaat.
Imm. 4.  Imarisaannut ilassutit imatut paasineqassapput kiffaanngissuseqarnerulluni sinaakkutit, taakkualu iluanni pingaarnertut imarisaannik itisiliisunik imminnullu atanerannik takutitsisunik ilinniartullu ilinniakkani paasisaannik annertusiliisunik ilinniartitsissutit imarisassaannik toqqaaffiusut.

§ 5.  Ilinniartitsissutinik aaqqissuinernut ilaapput ilinniartitsinermi tunngavinnik, suleriaatsinik, ilinniakkami oqaatsinik ilinniartitsissutinullu allanut attaveqassutsimik allaaserinninnerit. Ilinniartitsissutinik ataasiakkaarlugit ilinniartitsinermi ilinniartitsissutinut allanut attaveqarnerat ilaanngilaq.

§ 6.  Nalilersuinernut ilaapput ingerlaavartumik nalilersuisarnerit, misilitsitseriaatsit naliliinernilu piumasaqaatit soraarummeernerni atorneqartartut allaaserinerat. Imminnut ilinniartittunut namminnerlu ilinniartunut soraarummeernerni pissutsit immikkut ittut allaaserineqarnerat aammattaaq ilanngunneqarsinnaapput.

§ 7.  Qupperneq nalinginnaasoq imatut paasineqassaaq allagaq qupperneq ataaseq nalinginnaasumik allannermi naqinnernik 1300-nik taallatullu allannermi titarnernik 30-nik imaqartoq. Saqqummeeriaatsit allat ilaappata imarisaasa pitsaassutsimikkut annertussusaat nalilerneqassaaq, nalinginnaasumik quppernerit missiliuinikkut naatsorsornerisigut.

Kapitali 2
Ilinniartitsissutit

§ 8.  Ilinniarnertuunngorniarfimmi ilinniartitsissutit ilinniarnertuunngorniarfimmi qaffasissutsinut C, B aamma A-mut inissinneqarput, tassani A qaffasinnerpaajulluni, tak. §§ 14-16.
Imm. 2.  Ilinniarnertuunngorniarfimmi ilinniartitsissutit imatut paasineqassapput ilinniartitsissutit ilinniagaqarnermi anguniakkat anguneqarnissaannut tapersiisut, tamatumunnga ilanngullugu ilinniartitsissutit ingerlaqqiffiusumik ilinniagaqalernissamut piginnaasaqalersitsisuunissaat. Ilinniarnertuunngorniarfimmi ilinniartitsissutit qaffasissusiannut sanilliullugu ilinniartut tunngavilersorlugu isumaliuteqarsinnaanerisa, eqqarsaatinik tigussaasumit avissaartitsisinnaanerisa tamanullu tunngasunngortitsilersinnaanerisa ineriartortinneqarnissaat ilaatigut siunertaavoq.
Imm. 3.  Tunngaviusumik ilinniarnermi ilinniartitsissutit ilinniarnertuunngorniarfimmi ilinniartitsissutit ilaannik imaqarsinnaapput.

§ 9.  Ilinniarnertuunngorniarfimmi ilinniartitsissutit tassaapput:
1) Ilinniartitsissutit ilinniartunit tamanit pinngitsoorani ilinniarneqartussat (ilinniartitsissutit pinngitsoorani ilinniarneqartussat tamanut tunngasut).
2) Ilinniartitsissutit taamaallaat ilinniakkat sammiviini aalajangersimasuni pinngitsoorani ilinniarneqartussat (ilinniartitsissutit pinngitsoorani ilinniarneqartussat aalajangersimasut).
3) Ilinniartitsissutit toqqarneqarsinnaasut.

§ 10.  Tunngaviusumik ilinniarnermi ilinniartitsissutit pinngitsoorani ilinniarneqartussat tamanut tunngasut ilaat ilinniakkat sammiviini ilinniarnermi naammassineqassapput ingerlateqqinneqarlutilluunniit.

§ 11.  Ilinniartitsissutit klassini ilinniarneqassapput, taamaattoq tak. imm. 2-4.
Imm. 2.  Kalaallisut ilinniarneq holdikkaarluni ilinniartut ilitsoqqussaralugu oqaasii aallaavigalugit katiterneqartussani ingerlanneqassaaq. Ilinniartut kalaallisut ilitsoqqussaralugu oqaaseqanngitsut ilikkagassatut pilersaarut tunngavigalugu kalaallisut ilinnialerlaatut oqaatsillu aappaattut ilinniakkatut A-tut ingerlatissavaat, ilinniartullu kalaallisut ilitsoqqussaralugu oqaaseqartut ilikkagassatut pilersaarut tunngavigalugu ilitsoqqussaralugu oqaatsitut A-tut ingerlatissavaat.
Imm. 3.  Ilinniartitsissutit toqqarneqarsinnaasut ilinniartut toqqagaat malillugit pilersinneqartut ilinniakkat sammivii akimorlugit holdini ingerlanneqarsinnaapput.
Imm. 4.  Ilinniartitsissutit ilinniartitsissutinik ataasiakkaanik ilinniartitsinertut aamma ingerlanneqarsinnaapput, tassani ilinniartitsineq klassini holdiniluunniit pioreersuni imaluunniit holdini immikkut pilersinneqartuni ingerlanneqarsinnaalluni.

§ 12.  Ilinniakkat sammivii sorliit pilersinneqassanersut ilinniarnertuunngorniarfiit kingusinnerpaamik 15. december aalajangissavaat. Ilinniartitsissutinik pinngitsoorani ilinniarneqartussanik immaqalu ilinniartitsissutinik toqqarneqarsinnaasunik ilinniakkat sammiviinut atasunik ilinniartut inaarutaasumik toqqaanerat tunngavigalugu aalajangiisoqassaaq.
Imm. 2.  Ilinniakkap sammivia pilersinneqareerpat ilinniakkap sammivia holdini ilinniakkap sammiviani pilersinneqarsimasuni ingerlanneqassaaq.

§ 13.  Semesterit aappaat, pingajuat tallimaallu sioqqutitsiarlugit ilinniarnertuunngorniarfiup aalajangiutissavaa  ilinniakkatut sammiviit akimorlugit ilinniartitsissutit toqqakkat suut pilersinneqassanersut.

Kapitali 3
Qaffasissutsit

§ 14.  Qaffasissutsimi A-mi ilinniartitsissutinut ilisarnaataavoq, ilinniartitsissutit ingerlanneqarnerini tamani nalinginnaasumik 250-inik taakkualuunniit sinnerlugit tiimeqarfiusarnerat, taamaattoq tak. § 17. Ilinniartitsissutini ilikkagassatut anguniagassat oqaasertalersorneqassapput, piginnaasassanut uuttuutit qaffasissut atorlugit. Ilinniartitsinerni inaarutaasumillu nalilersuinerni allattarissanik suliaqartarneq ilaavoq. Piumasaqaatitut ilimagisaavoq ilinniartut namminneerlutik eqqoqqissaartumillu sulissasut aamma ilinniartitsissutini taaguutit periutsillu atorsinnaassagaat – aamma ataqatigiiffinni ilisimaneqariinngitsuni.

§ 15.  Qaffasissutsimi B-ni ilinniartitsissutinut ilisarnaataavoq, ilinniartitsissutit ingerlanneqarnerini tamani 150-it 250-illu akornanni tiimeqarfiusarnerat, taamaattoq tak. § 17. Ilinniartitsissutini ilikkagassatut anguniagassat oqaasertalersorneqassapput, piginnaasassanut uuttuutit qaffasissut ilaatinnagit imaluunniit killeqartut atorlugit. Ilinniartitsinerni inaarutaasumillu naliliinerni allattariarsorluni sulineq ilaagajuttarpoq, taamaattoqartariaqaranili. Piumasaqaataavoq ilinniartut nammineersinnaassuseqangaatsiarlutik sulisinnaassasut, ilinniartitsissutinilu isummat imarisaat periutsillu nalinginnaasumik atorsinnaassagaat.
Imm. 2.  Qaffasissutsimi B-mi ilinniartitsissutip aammattaaq imarisinnaavaa ilinniartut namminersorlutik allattariarsorlutik suliaat imaluunniit aalajangersimasumik qulequtsiillutik ingerlatsinerat, imm. 1-imi taaneqartunik ikinnerusunik tiimilik, ingerlatsinermut annertuumik ilinniartut namminneerlutik suliaqarnerat annertuumik allattariarsornertalik ilisarnaataappat.

§ 16.  Qaffasissutsimi C-mi ilinniartitsissutinut ilisarnaataavoq, ilinniartitsissutit ingerlanneqarnerini tamani 75-it 150-illu akornanni tiimeqarfiusarnerat, taamaattoq tak. § 17. Ilinniartitsissutini ilikkagassatut anguniagassat oqaasertalersorneqassapput, piginnaasassanut uuttuutit appasissut kisiisa atornissaat pingaartillugit. Ilinniartitsinerni allattariarsorluni sulineq sakkuusinnaavoq, inaarutaasumilli nalilersuinermi ilinniartut allattariarsornermi piginnaasaannik nalilersuineq ilaassanngilaq. Piumasaqaataavoq ilinniartut ilinniartitsissutini isummat imarisaat periutsillu atorsinnaassagaat.

§ 17.  Tunngaviusumik ilinniarnermi ilinniartut ilinniakkap sammivianik siumut pituttuutaanngitsumik toqqaallutik nalunaarutaat tunngavigalugit ilinniartitsissutini ilinniartitsinermi tiimit amerlassusaat annikinnerusumik qaffanneqarsinnaapput apparneqarsinnaallutilluunniit (naleqqussarneqarsinnaapput).

§ 18.  Qaffasissutsit akimorlugit ilinniartitsisoqarsinnaanngilaq.

Kapitali 4
Annertussusiliineq

§ 19.  Ilinniartitsissutini ilinniartitsinermi tiimit amerlassusaat, piffissaq ilinniartut atugaat ilinniartitsinissanullu piareersarnerit ilinniartut ilinniagaqarnermi sulinerannut ilaapput.

§ 20.  Ilinniartitsinermi tiimit atorneqassapput ilikkagaqarnissaq siunertaralugu, ilinniartitsisup ilinniartullu suleqatigiiffigisaannik, ilinniarnertuunngorniarfiup sammisaqartitsissutissatut aaqqissugaanut, tamatumani siunertaralugu ilinniartup ilinniartitsissummi ilikkagassatut anguniagassanik angusaqarnissaanut tapersiinissaq, tamatumunnga ilaatillugit suliniutit pissusiviusunillu assersuutit, ilinniartitsisup ilinniartumik ilitsersuiffigisai. Ilinniartitsinermi tiimit aamma ingerlaavartumik nalilersuinernut taakkununngalu atasumik ilitsersuisarnernut atorneqassapput.

§ 21.  Ilinniartitsissutini tiimit ingerlanneqassapput, piffissap soraarummeerfiusup - ilinniartitsissummi misilitsiffiusup imaluunniit misilitsinnissamut periarfissaqarfiusup - aallartinnginnerani.

§ 22.  Ilinniartitsissutini ataasiakkaani ilinniartut piffissaq atugassaat tassaavoq piffissaq ilinniartut ataasiakkaat ilinniartitsissutini allattariarsorlutik sulinissaannut immikkoortitaq, tassunga ilanngullugit ilinniartitsissutinut allanut ilinniartitsinerni tiimit avataanni ilinniartut ingerlattagaannut ilinniartitsisunillu immikkut nalilersorneqartartunut atassuteqartitsineq.
Imm. 2.  Ilinniartut allattariarsorlutik suliaannik nalilersuinerni ilinniartitsissutini A-mik qaffasissusilinni, ilinniartitsissutinilu allani ilinniartitsissutillu imminnut atassuteqartinneranni nalilersueriaatsit assigiinngitsut atorneqassapput, tassunga ilanngullugit:
1) ilinniartut suliani militsinnernilu ataasiakkaarlutik akissutaasa naqqinneri, tassunga ilanngullugit ilinniarfiup iluani misilitsinnerit,
2) suleqatigiiaakkaarluni ataasiakkaarluniluunniit allattariarsorluni suliat naqqinneri oqaaseqaateqarfigineqarnerilu, tassunga ilanngullugit ilinniarfiup iluani misilitsinnerit,
3) allannermi allattariarsorluni suliat ilaannakortumik naammassisat oqaaseqaateqarfiginerat,
4) ilinniartunik ilinniartoqatigiinnillu oqaloqateqarnerit, aamma
5) qulaaniittut akuleriisillugit.
Imm. 3.  Allattariarsorluni suliaqarluni ilinniartunut piffissaliussamik atuinermi, ilinniarnertuunngorniarfiup piumasarisinnaavaa ilinniartut najuutissasut.

§ 23.  Ilinniartut allattariarsorlutik suliaat tassaasinnaapput allaaserinninnerit, nalunaarusiat, qarasaasiat atorlugit saqqummiinerit aamma multimediat atorlugit suliat il.il.

§ 24.  Ilinniartitsinernut piareersarnerit ilinniartut namminneq aaqqissuutissavaat.

§ 25.  Ilinniartitsissutini ilinniartitsinerni tiimit amerlassusaat piffissarlu ilinniartut atugassaat imatut agguarneqarput:

Ilinniartitsissut	Qaffasissuseq	Ilinniartitsinermi tiimit amerlassusaat/qaffasissuseq	Ilinniartut piffissaat Tiimit/qaffasis-suseq	Ilanngus-saq nr.
Tuniniaaneq	Tuniniaaneq A	350	70	1
	Tuniniaaneq B	225	0	2
Issittumi teknologii	Issittumi teknologii B	300	40	3
	Issittumi teknologii C	120	0	4
Assilialiorluni eqqumiitsuliorneq	Assilialiorluni eqqumiitsuliorneq B	250	0	5
	Assilialiorluni eqqumiitsuliorneq C	75	0	6
Uumassuseqartulerineq	Uumassuseqartulerineq B	200	66	7
	Uumassuseqartulerineq C	75	22	8
Danskisut	Danskisut A	300	180	9
Isiginnaartitsineq	Isiginnaartitsineq C	125	15	10
Tuluttut	Tuluttut A	445	225	11
	Tuluttut B	295	150	12
	Tuluttut C	150	75	13
Inuussutissarsiutinik sammisaqarneq	Inuussutissarsiutinik sammisaqarneq B	60	0	14
Inuussutissarsiutit pillugit inatsisilerineq	Inuussutissarsiutit pillugit inatsisilerineq C	75	0	15
Isumalioqqissaarneq	Isumalioqqissaarneq C	125	0	16
Aningaasalersuineq	Aningaasalersuineq C	75	0	17
Franskisut	Franskisut aallarterlaanut B	250	18	18
Uumaatsulerineq	Uumaatsulerineq B	225	70	19
	Uumaatsulerineq C	100	44	20
Nunalerineq	Nunalerineq B	200	50	21
	Nunalerineq C	75	22	22
Kalaallisut	Kalaallisut aallarterlaanut aamma oqaatsit aappaat A	300	180	23
	Kalaallisut ilitsoqqussaralugu oqaatsitut A	300	180	24
Oqaluttuarisaaneq	Oqaluttuarisaaneq B	190	0	25
Timersorneq	Timersorneq B	250	14	26
	Timersorneq C	150	0	27
	Timersorneq ataatsimut ilinniartitsissut (ilanngussani 26-27 ilaavoq)	25	0
Paasissutissiinermi teknologi	Paasissutissiinermi teknologi C	60	0	28
Nutaaliorneq	Nutaaliorneq C	75	0	29
Nunat tamat akornanni aningaasaqarneq	Nunat tamat akornanni aningaasaqarneq A	265	0	30
	Nunat tamat akornanni aningaasaqarneq B	140	0	31
Kemi	Kemi B	225	55	32
	Kemi C	100	22	33
Kulturilerineq	Kulturilerineq B	200	46	34
	Kulturilerineq C	75	0	35
Niuerfinni attaveqartarneq	Niuerfinni attaveqartarneq C	75	0	36
Matematik	Matematik A	445	225	37
	Matematik B	295	150	38
	Matematik C	150	75	39
Tusagassiuutilerineq	Tusagassiuutilerineq B	200	0	40
	Tusagassiuutilerineq C	125	0	41
Nipilersorneq	Nipilersorneq B	275	65	42
	Nipilersorneq C	75	0	43
Aaqqissuussaaneq	Aaqqissuussaaneq C	75	0	44
Psykologii	Psykologii C	125	0	45
Upperisalerineq	Upperisalerineq C	75	0	46
Inuiaqatigiilerineq	Inuiaqatigiilerineq B	200	65	47
	Inuiaqatigiilerineq C	75	0	48
Nalitsinni oqaluttuarisaaneq	Nalitsinni oqaluttuarisaaneq B	130	0	49
Science	Science C	75	22	50
Ilinniariaaseq	Ilinniariaaseq C	60	0	51
Ilinniarnermi suliniut	Ilinniarnermi suliniut	25	30	52
Teknikkilerineq	Teknikkilerineq A geologi aatsitassallu	350	30	53
	Teknikkilerineq A pinngortitaq avatangiisillu	350	30	54
	Teknikkilerineq A sanaartorneq nukissiuutillu	350	30	55
Tyskisut	Tyskisut aallarterlaanut B	250	18	56
	Tyskisut ingerlaqqittunut B	250	33	57
Suliffeqarfiit aningaasaqarnerat	Suliffeqarfiit aningaasaqarnerat A	350	70	58
	Suliffeqarfiit aningaasaqarnerat B	225	40	59

Imm. 2.  Ilinniakkat sammiviini ilinniartitsissutini tiimit amerlassusaat imm. 1-imit allaanerusut Ilinniartitaanermut Naalakkersuisoqarfiup akuerisinnaavai.
Imm. 3.  Ilinniarnertuunngorniarfiup ilinniakkami sammivinnik immikkut ittunik, taamaallaallu Nunatsinni Danmarkimilu ilinniakkani sivikitsuni akunnattumillu sivisussusilinni ilinnialernissamut atortussanik  ingerlatsinissaa Ilinniartitaanermut Naalakkersuisoqarfiup akuerisinnaavaa.

§ 26.  Tunngaviusumik ilinniarnermi ilinniartitsissutini tiimit amerlassusaat ilinniartullu piffissaat imatut agguarneqarput:

Ilinniartitsissut	Qaffasissuseq	Ilinniartitsiner-mi tiimit/qaffasis-suseq
Danskisut	Danskisut A	50
Tuluttut	Tuluttut C	80
Kalaallisut	Grųnlandsk A	50
Timersorneq	Timersorneq C	25
Kulturilerineq	Kulturfag C	75
Matematik	Matematik C	80
Science	Science C	75
Ilinniariaaseq	Ilinniariaaseq	10

§ 27.  Klassimi holdimiluunniit ataatsimi ilinniartitsinerni tiimit amerlassusissaattut aalajangersakkat akuerisalluunniit ilinniarnertuunngorniarfiit annikitsumik allanngortissinnaavaat, nikingassutit klassit holdilluunniit ilinniakkani pisariaqartitaannik tunngavilersorneqarpata. Ilinniartitsinermi tiimit amerlassusaasa tiimillu ilinniartunut piffissaliussat katinnerisa nikisinneqannginnissaat piumasaqaataavoq.
Imm. 2.  § 25, imm. 1-imi ilinniartut piffissaat aalajangersarneqartoq ilinniartitsissummut ataatsimut 20%-it tikillugit annikillisinnerisigut ilinniarnertuunngorniarfiit ilinniartut piffissaannik pilersitsisinnaapput. Ilinniakkat sammiviisa akornanni sumiiffinni ilinniartitsissutini perorsaanermilu pissutsit tunngavigalugit  ilinniartut piffissaannik ilinniarnertuunngorniarfiit agguaasassapput.

§ 28.  Ilinniarnertuunngorniarfiit ilinniartunut immikkut aaqqissuussamik ilinniarnermik ingerlatsisunut tiiminik ilasisinnaapput.
Imm. 2.  Kalaallit Nunaanni Danmarkimilu sivikitsumik akunnattumillu sivisussusilinnik ilinniarnernut isissutaasinnaasunik ilinniarnertuunngorniarfimmi holdinut immikkut ilinniarnermik ingerlatsisunut ilinniarnertuunngorniarfiit tiiminik ilasisinnaanerannik Ilinniartitaanermut Naalakkersuisoqarfik akuersisinnaavoq.

§ 29.  Piffissaq ilinniartut atugassaat ilinniartitsinertut ingerlanneqarsinnaavoq, tamanna nalileeriaatsitigut tunngavissaqarpat, tak. § 22, imm. 2, imaluunniit piffissap ilinniartut atugassaasa allattariarsorluni sulinertut atorneqartussanngornerani ilinniarnertuunngorniarfik ilinniartut najuunnissaannik piumasaqarpat, tak. § 22, imm. 3.

§ 30.  Ilinniartut pillugit pissutsit immikkorluinnaq ittut tunngavissaqartitsigaangata ilinniartut ataasiakkaat nalunaarummi aalajangersakkanik atuinnginnissaat Ilinniartitaanermut Ilisimatusarnermullu Naalakkersuisoqarfiup akuerisinnaavaa.

§ 31.  Ilinniartitaanermut Naalakkersuisoqarfiup misileraanermut atatillugu nalunaarummi aalajangersakkat sanioqqussinnaavai.

Kapitali 5
Atuutilersitsinermut ikaarsaariarnermullu malittarisassat

§ 32.  Nalunaarut ilinniarnertuunngorniarfimmi ilinniartunut 1. august 2012 aallartissimasunut 1. juni 2014-imi atuutilerpoq.

§ 33.  Aaqqissuussineq nutaami pisoqqamilu holdit akimorlugit atuaqatigiinnissaq Naalakkersuisoqarfiup akuersissutigisinnaavaa.

Namminersorlutik Oqartussat, ulloq 27. maj 2014

Nick Nielsen

/

Mikael Kristensen