§ 1.

Atuisartunut pisisartunullu siunnersuisartoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit inatsisartut inatsisaanni nr. 10, 13. november 1986-imeersumi, ilaatigut inatsisartut inatsisaatigut nr. 1, 28. februar 1994-imeersukkut kingusinnerpaamillu inatsisartut inatsisaatigut nr. 13, 12. november 2001-imeersukkut allanngortinneqartumi, makku allannguutigitinneqassapput:

 

1. § 2, imm. 1 ima oqaasertaqassaaq:
"Inatsisip matuma nakkutigineqarnera Atuisartunut Pisisartunullu Siunnersuisoqatigiinnit aamma Naalakkersuisunit imaluunnit taamaaliornissamut Naalakkersuisut piginnaatitaannit isumagineqarpoq."

2. § 2, imm. 4, oqaaseqatigiit aappaat ima oqaasertaqassapput:
"Taamatuttaaq pisinnaavoq inatsimmi matumani § 27, imm. 9 naapertorlugu kapitali 9-p nakkutigineqarneranik isumaginnittuusoq."

3. § 27, imm. 1 ima oqaasertaqassaaq:
"Atuisartunut Pisisartunullu Maalaaruteqartarfittut Ataatsimiititaliaq qulingiluanik ilaasortaqarpoq ima toqqarneqartunik:
1) ilaasortat sisamat Atuisartunut Pisisartunullu Siunnersuisoqatigiit ilaasortamik taakkuluunniit sinniisussaasa akornanni toqqakkat,
2) ilaasortaq ataaseq toqqarneqassaaq Arbejdsgiverorganisationen for Handel, Service og Transportehvervene i Grønland, HST-imit,
3) ilaasortaq ataaseq toqqarneqassaaq Sulisitsisut Peqatigiiffiannit, GA,
4) ilaasortaq ataaseq toqqarneqassaaq Kalaallit Nunaanni Brugseninit, KNB,
5) ilaasortaq ataaseq toqqarneqassaaq Pisiffik A/S-imit aamma KNI Pilersuisoq A/S-imit ataatsimoorullugu aamma
6) ilaasortaq ataaseq, inatsisilerituujusussaq, naalakkersuisoqarfimmit akisussaasumit toqqarneqassaaq."

4. § 27, imm. 2 ima oqaasertaqassaaq:
"Imm. 2. Naalakkersuisunit toqqagaalluni ilaasortaq Atuisartunut Pisisartunullu Maalaruteqartarfittut Ataatsimiititaliami siulittaasuussaaq."

5. § 27-mi imm. 9-tut ilanngunneqassaaq:
"Imm. 9. Atuisartunut Pisisartunullu Maalaaruteqartarfittut Ataatsimiititaliap allattoqarfeqarnera Atuisartut Pisisartullu Siunnersuisoqatigiinnit isumagineqassaaq."

 

§ 2.

Inatsisartut inatsisaat ulloq 1. juni 2002-miit atuutilerpoq.

Namminersornerullutik Oqartussat, ulloq 21. maj 2002

Jonathan Motzfeldt

/

Sólja í Olavsstovu