§ 1

Utoqqalinermi pensionisiat pillugit Inatsisartut peqqussutaat nr. 3, 7. maji 2007-meersumi imatut allannguisoqarpoq:

1. § 5 taamaalilluni oqaasertaqalerpoq:
"§ 5. Utoqqalinermi pensionisianik pisartagaqalersitsisoqarsinnaavoq qaammatip 65-inik ukioqalereerfiup kingorna qaammatip tulliup aallaqqaataa aallarnerfigalugu, taamaattorli, § 27, imm. 3 takuuk. 65-inik ukioqalereernerup kingorna pensionisiaqalernissamik qinnuteqarnermi, ullup qinnuteqarfiup kingorna qaammatip aallaqqaataa aallarnerfigalugu pissarsisinnaatitaaneq atuutilissaaq.
Imm. 2. Inuit siusinaartumik pensionisiallit 65-inik ukioqalernerminni, qinnuteqaatitaqanngitsumik utoqqalinermi pensionisiaqarnermut ikaarsaartassapput, taamaattorli, § 27, imm. 3 takuuk."

 

§ 2

Inatsisartut peqqussutaat atuuttuulissaaq 1 juli 2008.

Namminersornerullutik Oqartussat, ulloq 29. maj 2008

Hans Enoksen

/

Arkalo Abelsen