§ 1

Naartunermi, erninermi meeravissiartaarnermilu sulinngiffeqartarneq il.il. ullormusiaqartarnerlu pillugit Inatsisartut peqqussutaat nr. 12, 31. oktober 1996-imeersoq kingusinnerusukkut inatsisartut peqqussutaat nr. 1, 27. marts 2006-imeersukkut allanngortinneqartumi, makku allanngortinneqarput:

1. § 15 ima oqaasertalerneqarpoq:
"§ 15. Angajoqqaajusut arlaat toqukkut qimagunnerani, imaluunniit angajoqqaajusup sulinngiffeqartup napparsimanini pissutigalugu meeraq paarisinnaanngippagu, angajoqqaajusup aappaata sulinngiffeqarsinnaatitaanissaa isumaginninnermi ataatsimiititaliap akuerisinnaavaa.
Imm. 2. Angajoqqaat sulinngiffeqarsinnaatitaanerannut Naalakkersuisut malittarisassanik aalajangersaasinnaapput."

 

§ 2

Inatsisartut peqqussutaat 1. juni 2007-imi atuutilissaaq.

Namminersornerullutik Oqartussat, ulloq 7. maj 2007

Hans Enoksen

/

Aleqa Hammond