Covid-19-ip tuniluussinnaanera pissutigalugu Sisimiut matuneqarnissaa pillugu Tunillaassortunik Nappaalanersuaqarneranut Ataatsimiititaliarsuup peqqussutaa nr. 9, 15. juli 2021-mersooq Atuussimasoq (Historisk)

Nappaatit tunillaassortut akiorniarlugit iliuutsit pillugit Inatsisartut peqqussutaanni nr. 20, 12. november 2001-imeersumi, Inatsisartut inatsisaatigut nr. 1, 1. april 2020-meersutigut allanngortinneqartumi § 7, imm. 1 naapertorlugu Tunillaassortunik Nappaalanersuaqarneranut Ataatsimiititaliarsuarmit aalajangersarneqarput:

 

Sisimiuniit nunatsinni najugaqarfinnut allanut angalaneq 19. juli 2021-p tungaanut inerteqqutaalerpoq.

 

Kalaallit Nunaanniit Narsarsuaq aamma Kangerlussuaq aqqutigalugit angalanerit inerteqqummut ilaanngillat.

 

Kalaallit Nunaanni Politimesteri Kalaallit Nunaanni Politiinut attuumassutilinnik inuiaqatigiinnullu pingaarutilinnik sulialinnut inerteqqummit immikkut akuersissuteqarnissamut piginnaatinneqarpoq.

 

Issittumi Sakkutooqarfiup pisortaa Illersornissamut tunngasunik inuiaqatigiinnullu pingaarutilinnik sulialinnut inerteqqummit immikkut akuersissuteqarnissamut piginnaatinneqarpoq.

 

Nunatta Nakorsaanera inuiaqatigiinnut pingaarutilinnik sulialinnut allanut tamanut inerteqqummit immikkut akuersissuteqarnissamut piginnaatinneqarpoq.

 

 

 

Tunillaassortunik Nappaalanersuaqarneranut Ataatsimiititaliarsuaq, ulloq 15. juli 2021

 

 

 

Bjørn Tegner Bay

Politimesteri

Tunillaassortunik Nappaalanersuaqarneranut Ataatsimiititaliarsuarmi siulittaasoq

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk