§ 1
Nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersumi, kingullermik Inatsisartut inatsisaanni nr. 23, 18. november 2019-imeersumi allanngortinneqartumi, uku allanngortinneqarput:
1. § 1, imm. 1-imi nr. 11, 12 aamma 16 atuukkunnaarsinneqassapput, nr. 17-ilu imatut oqaasertalerneqassalluni: ” Nr. 17. Nioqqutissat allat nr. 13-imit 16-imut allassimasut, piariikkat imaluunniit aqerlortikkat, a) savaaqqat savallu neqaannit nioqqutissiat, nioqqutissat allattorsimaffianni makkunani allassimasut, 1602.10.00.0, 1602.90.71.0.10 aamma 1602.90.79.0.10 kg.-imut 25 kr. 00 øre. b) nersussuit neqaannit nioqqutissiat, nioqqutissat allattorsimaffianni makkunani allassimasut, 1602.10.00.0 kiisalu 1602.50.10.1-imit 1602.50.90.9 ilanngullugu aamma 1602.90.61.0 kiisalu 1602.90.69.0-imi kg.-imut 4 kr. 00 øre, c) puulukit neqaannit nioqqutissiat, nioqqutissat allattorsimaffianni makkunani allassimasut, 1602.10.00.0 kiisalu 1602.41.10.1-imit 1602.49.90.0 ilanngullugu kiisalu 1602.90.51.0-imi kg.-imut 2 kr. 00 øre. d) pølsit suulluunniit, tamatumani ilaallutik tingummit aammillu pølsiliat, nioqqutissat allattorsimaffianni kapitali 16.01-imi allassimasut kg.-imut 3 kr. 00 øre. e) tingunnit nioqqutissiat, nioqqutissat allattorsimaffianni 1602.20.10.0-imi aamma 1602.20.90.0-imi allassimasut kg.-imut 2 kr. 50 øre.”
2. § 2 imm. 5-itut ivertinneqassaaq: ” Imm. 5. Qamutit motoorillit akitsuuserneqartussaatitaasut naalagaaffimmi oqartussanit nunaniluunniit allani oqartussanit naalagaaffimmi tikeraarnermut il.il. atatillugu atorneqartut, qamutit motoorillit eqqunneqarnerminnit kingusinnerpaamik ullut 30 qaangiunneranni anninneqaqqittussatut aalajangikkanut akitsuuteqanngitsitsisoqarsinnaavoq.”
3. § 3, nr. 1, litra d-f ima oqaasertalerneqassaaq: ”d) sulinermi atortut nammineq ingerlasut traktorillu, e) naalagaaffiit allat aallartitaqarfiinit sinniisoqarfiinilluunniit pigineqartut, aamma f) qamutit motoorillit nunaannakkoortaatit minnerusut sisamanik amerlanernilluunniit assakaasullit (ATV, UTV il.il.).”
§ 2
Inatsisartut inatsisaat ulloq 1. januar 2023 atuutilerpoq.
Namminersorlutik Oqartussat, ulloq 21. novembari 2022
Múte Bourup Egede Naalakkersuisut Siulittaasuat
Uunga e-mail
Atit
Ilisimatitsissut