§ 1

Feriarneq pillugu Inatsisartut inatsisaat nr. 10. 12. november 2001-imeersumi makkuninnga allanngortitsisoqarpoq:

1.  § 16, imm. 1, imatut oqaasertalerneqarpoq:
”Feriarnersiutit aamma immikkut ittumik feriarnersiutit naatsorsorneqarneranni akissarsianut tapiliussat imaluunniit akissarsiat ilaat isertitatut akileraaruteqaataasussaanngitsut imaluunniit sulisitsisup soraarnerussutisianut aaqqissuussinermut, soraarnerussutisianut aningaasaateqarfimmi imaluunniit aningaaserivimmi, Kalaallit Nunaanni angerlarsimaffeqartuunngitsumi imaluunniit aalajangersimasumik ingerlatsiveqanngitsumi ilanngutsinneqartumut, akiliutai ilanngunneqassanngillat. Sulisitsisorli akissaateqarluni sulisuusup soraarnerussutisiaqalernissamut aaqqissuussinernut il.il. akiliutaanit feriarnersiuteqartitsissaaq immikkullu ittumik feriarnersiuteqartitsissalluni.”

§ 2

Inatsisartut inatsisaat ulloq 1. januar 2021 atuutilerpoq.

Namminersorlutik Oqartussat, ulloq 19. november 2020