Utoqqaat illersuisuat pillugu Inatsisartut inatsisaata allanngortinnissaa pillugu Inatsisartut inatsisaat nr. 14, 1. december 2021-mersooq (Allattoqarfiup allanngortinnera)

§ 1

 

Utoqqaat Illersuisuat pillugu Inatsisartut inatsisaat nr. 37, 28. november 2019-imeersumi makkuninnga allannguuteqartoqassaaq:

 

1. § 9 imatut allanneqassaaq:

”  § 9.  Utoqqaat illersuisuata allattoqarfissaa pilersinneqassaaq.
  Imm. 2.  Allattoqarfik aqutsinermi allaffissornikkut suliaqassaaq aamma suliamut tunngasunik Utoqqaat illersuisuannut ikiuuttassalluni.
  Imm. 3.  Ulluinnarni allattoqarfimmi atuuffimmik isumaginnittussamik Utoqqaat illersuisuat sulisussamik atorfinitsitsissaaq.
  Imm. 4.  Suliassanik aalajangersimasunik isumaginnittussanik inunnik sulianik aalajangersimasunik isumaginnittartunik piffissamut killilikkanik atugassaqartitsisoqarluni atorfinitsitsisoqarsinnaavoq.
  Imm. 5.  Allattoqarfimmi atorfillit atugassarisanut aamma atorfininnernut pissutsit sinnerinut, atorfininnerup nalaani pissutsinut soraarsitaanernullu tunngatillugit aalajangersakkanut, Namminersorlutik Oqartussat qitiusumik allaffeqarfiata ataani atorfeqartunut qaqugukkulluunniit atuuttunut ilaapput.”

 

2. § 16, imm. 2, atorunnaartitaavoq.

 

§ 2

 

Inatsisartut inatsisaat ulloq 1. januaari 2022-mi atuutilissaaq.

 

 

 

Namminersorlutik Oqartussat, ulloq 1. december 2021

 

 

 

Múte Bourup Egede
Naalakkersuisut Siulittaasuat

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk