§ 1

Eqquiniaasitsinermi akileraarutit pillugit Inatsisartut inatsisaanni nr. 1,31. oktober 1987-imeersumi makku allannguutigitinneqarput:

1. § 1, imm. 1 imaalerpoq:
"Imm. 1. Kalaallit Nunaanni eqquiniaasitsinerni eqqukkat 200 koruuninit amerlaneruppata amerlanerussutaasut 15 %-iinik akileraarusiisoqartassaaq."

2. § 1, imm. 2 imaalerpoq:
"Imm. 2. Eqquiniaasitsisoq pisussaavoq eqqukkap tunniunneqannginnerani akileraarutip unerartinnissaanut kingornatigullu akileraarutip akilerneqarnissaanut, takuuk § 3, imm. 1."

3. § 1, imm. 3 imaalerpoq:
"Imm. 3. Eqqugassat aningaasaanngippata, taakkua nalinginnaasumik niuernermi nalingat naapertorlugu eqquiniaasitsisup akileraarut naatsorsussavaa, kingornatigullu akileraarut akilissallugu, takuuk § 3, imm. 1."

4. § 1-imi immikkoortoq 4-tut ilanngunneqarpoq:
"Imm. 4. Immikkoortut 1-imiit 3-mut naapertorlugit akileraartussaaneq atortuussanngilaq, peqatigiiffiup kattuffiulluunniit il.il. qaammatisiutit malillugit ukiup ataatsip ingerlanerani eqquiniaasitsinerani eqqugassarititaasa katillutik nalingat 5.000 koruuniuppat minneruppalluunniit."

5. § 3, imm. 1 imaalerpoq:
"Imm. 1. Eqquiniaasitsisup eqqukkat nalingat Akileraartarnermi Pisortaqarfimmut nalunaarutigalugulu akileraarutitassai akilereersimassavai eqquiniaasitsinerup kingorna kingusinnerpaamik ullut 14-it qaangiutsinnagit. Nalunaarutiginninneq pissaaq inunersugassaq, Akileraartarnermi Pisortaqarfimmit sananeqarsimasoq, atorlugu."

 

§ 2

Inatsisartut inatsisaat 1. juni 1992-imiit atuutilissaaq, eqquiniaasitsinernullu 1. juni 1992-imi kingusinnerusumiluunniit ingerlanneqartunut atortuussalluni.

Namminersornerullutik Oqartussat, ulloq 9. april 1992

Lars Emil Johansen

/

Emil Abelsen