§ 1

Pisortanit ikiorsiissutit pillugit Inatsisartut peqqussutaat nr. 15, 20. novembari 2006-imeersoq, pisortanit ikiorsiissutit pillugit  inatsisartut peqqussutaat nr.5, 29. maji 2008-mi allanngortinneqartoq, imatut allannguuteqasssaaq:

1. § 8, imm.  1 ima oqaasertaqarpoq:
”§ 8. Kommunalbestyrelsi pilersuinermut akiligassanullu aalajangersimasunut kiisalu ataasiartumik aningaasartuutinut pisortanit ikiorsiissuteqarsinnaavoq, qinnuteqartup § 7-imi piumasaqaatit naammassisimappagit kiisalu
1) suliffissaqanngikkuni, suliffissaminillu naammaginartumik neqeroorfigineqarsimanngikkuni, suliffissanillu pimoorullugu periarfissarsiortuuguni,
2) sulisinnaanngitsutut nalilerneqarsimaguni sungiussiniarnermigut ajornartorsiornini, imaluunnnit peqqinnginnini pissutigalugit imaluunniit
3) napparsimaguni imaluunniit erninermut atatillugu sulinngiffeqaruni taamaattumillu sulilernissamut piareersimasinnaanani.”

2. § 23, imm. 1 naapertorlugu ilanngutissaaq:
”Imm. 2. Pineqartoq Kalaallit Nunaanni illoqarfigisami  nunaqarfigisamiluunniit kingullermik najugaqarfigisami avataani toqusimappat,  toqusullu pigisaasa imaluunniit qanigisaasut aningaasartuutit akilersinnaanngippatigit, kommunalbestyrelsi illerfiup angallanneranut ikiorsiissuteqarsinnaavoq, toqusimasullu § 4 imm.1-mi piumasaqaataasut naammassisimappagit
Imm. 3. Illerfiup angallanneqarneranut aningaasartuutaajumaartussat aaliangeruminaatsinneqarpata, taamaanneranilu illerfiup angallanneqarneranut ikiorsiisoqarsinnaatillugu, kommunalbestyrelse ikiorsiissutitut siumoortumik akiliutissamik tunniussisinnaavoq. Aningaasanik tigusisup tigusinermini atsiornermigut uppernarsassavaa, ikiorsiissutip utertinniarneqarsinnaanera. Pigisat naligisa nalunaarsornerat naammassineqareerpat aningaasartuutit aaqqivigineqassapput.”

 

§ 2

Inatsisartut peqqussutaat 1. juuli 2010-mi atuutilissaaq.

Kalaallit Nunaanni Namminersorlutik Oqartussat, ulloq 31. maj 2010

Kuupik Kleist

/

Maliina Abelsen