Ruslandimut allanullu pillaatitut iliuusissanik atuutsitsilernissamut piginnnaatitsissuteqarneq pillugu Inatsisartut inatsisaat nr. 4, 25. maj 2022-mersooq

  § 1.  Ruslandip Ukraine-mut saassussinerata malitsigisaanik, Ruslandimut allanullu pillaatitut iliuusissanik atuutsitsilernissamut Naalakkersuisut piginnaatinneqarput, takukkit §§ 2 aamma 3.

 

  § 2.  Ruslandimut allanullu pillaatitut iliuusissanut EU-mit (Den Europæiske Union), Naalagaaffiit Peqatigiinnit (FN) imaluunniit nunani tamalaani kattuffinnit allanit akuerineqartunut Kalaallit Nunaata ilanngunnissaa pillugu maleruagassanik Naalakkersuisut aalajangersaasinnaapput.
  Imm. 2.  Ruslandimut allanullu pillaatitut iliuusissanut, nunanit allanit akuerisaasunut, Kalaallit Nunaat ilanngutissasoq pillugu maleruagassanik Naalakkersuisut aalajangersaasinnaapput.
  Imm. 3.  Imm. 1 aamma 2 malillugit pillaatitut iliuusissanut ilanngunnermi, Naalakkersuisut pillaatitut iliuusissat Kalaallit Nunaanni pissutsinut naleqqussarsinnaavaat.

 

  § 3.  Malitassani Inatsisartut inatsisaat malillugu aalajangersagaasuni, malitassani aalajangersakkanik unioqqutitsinermut pinerluttulerinermut inatsit malillugu pineqaatissiissutissanik arsaarinninnissamillu aalajangersaasoqarsinnaavoq.
  Imm. 2.  Ingerlatseqatigiiffiit il.il. (pisinnaatitaallutillu pisussaatitaasut) pinerluttulerinermut inatsimmi 5. kapitali 5-imi maleruagassat malillugu pinerluttulerinermut inatsisitigut akisussaatinneqarsinnaapput.
  Imm. 3.  Akiliisitsinerit arsaarinninnerillu nunap karsianut tutsinneqassapput.

 

  § 4.  Inatsisartut inatsisaat Inatsisartut inatsisaata atuutilernerata nalunaarutigineqarnerata aqaguani atuutilerpoq.

 

 

Namminersorlutik Oqartussat, ulloq 25. maj 2022

 

 

Múte Bourup Egede
Naalakkersuisut Siulittaasuat

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk