Unammilleqatigiinneq pillugu inatsisartut inaatsisaat (unammilleqatigiinnermut inatsit) nr. 1, 15. maj 2014-imeersoq § 12, imm. 3, 2. pkt. malillugu ima aalajangiineqarpoq:

 

  § 1.  Suliffeqarfinnut piginneqatigiiffinnut selskabinut assingusutut ilusilerlugit ingerlanneqartunut ilaapput, tak. § 12, imm 3, 2. pkt:
1)  Suliffeqarfiit pisortat naleqqussaanerisigut pilersinneqarsimasut, tak. unammilleqatigiinneq pillugu inatsisartut inatsisaanni § 2, imm. 2, tamakkiisumik ilaannakortumilluunniit pisortanit pigineqartut.
2)  Kommuneqarfiit ataatsimoorussaat, tak. suliffeqarfinni inuussutissarsiorfiusuni il.il. aningaasalersuinikkut inuussutissarsiornerup ineriartortinneqarneranut kommuneqarfiit peqataanissaannut periarfissaat pillugu inatsisartut inatsisaanni § 2.
3) Suliffeqarfiit allat, tamakkiisumik ilaannakortumilluunniit pisortanit pigineqartut.

  § 2.  Suliffeqarfiit tamakkiisumik ilaannakortumilluunniit pisortanit pigineqartut, aqutsinikkut naatsorsuuserinikkullu piginneqatigiiffinnut selskabinut assingusunik aqutseriaaseqarlutillu naatsorsuusiortartut killeqartumillu akisussaaffeqartut, suliffeqarfiit imminnut aquttut assigisaallu, pisortat tapiissutaannik utertitseqqullugit Unammilleqatigiinnermut Ataatsimiititaliap peqqusinnaavaat

  § 3.  Nalunaarut manna atuutilissaaq ulloq 15. aggusti 2015.

Namminersorlutik Oqartussat, ulloq 23. juuli 2015.

Vittus Qujaukitsoq

/

Jørn Skov Nielsen