Imigassanik aalakoornartortalinnik nioqquteqarnerup sassaalliinermullu inerteqquteqarallarnermut Namminersorlutik Oqartussat nalunaarutaat nr. 51, 3. september 2021-mersooq Atuussimasoq (Historisk)

Imigassanik aalakoornartortalllit pillugit Inatsisartut inatsisaanni nr. 35, 23. november 2017-imeersumi § 41, imm. 1 aamma 2, aamma § 43, imm. 2 naapertorlugit aalajangersarneqarpoq:

 

Atuuffia

 

  § 1.  Nalunaarut Tasiilami nunaqarfinnilu Kulusuk, Tiilerilaaq, Isertoq, Kuumiit aamma Sermiligaaq Kommuneqarfik Sermersuumiittumi atuutissaaq.

 

Imigassanik aalakoornartortalinnik nioqquteqarnerup sassaalliisarnermullu inerteqquteqarallarneq

 

  § 2.  Imigassat aalakoornartortallit 2,25 volumenprocentimik qaangerlugulu aalakoornartumik akullit nioqqutiginissai sassaalliutiginissaalu inerteqqutaavoq, tak. Imigassaq pillugu Inatsisartut inatsisaat § 2, imm. 1.

 

Pineqaatissiisarnerit

 

  § 3.  § 2-mik unioqqutitsisoqartillugu akiligassiinermik pineqaatissiisoqarsinnaavoq.

 

Atortuulersitsineq

 

  § 4.  Nalunaarut ulloq saqqummiunneqarnerani piaartumik atuutilissaaq.
  Imm. 2.  Nalunaarut malillugu killilersuinerit, inerteqquteqarnerit, peqqusinerit il.il. 17. september 2021 ilanngullugu atuutissapput.

 

 

 

Namminersorlutik Oqartussat, ulloq 3. september 2021

 

 

 

Kirsten Fencker
Peqqinnissamut Naalakkersuisoq

 

 

/ Aka Olesen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk