Timmisartumi ilaasut amerlanerpaaffissaat pillugu Namminersorlutik Oqartussat nalunaarutaat nr. 18, 21. maj 2021-mersooq

Nappaatit tunillaassortut akiorniarlugit iliuutsit pillugit Inatsisartut peqqussutaanni nr. 20 12. november 2001-imeersumi, Inatsisartut inatsisaatigut nr. 1, 1. april 2020-meersutigut allanngortinneqartumi, § 12 a aamma § 29, imm. 2 aamma 3 malillugit aalajangersarneqarpoq:

 

Air Greenland-imit sapaatip akunneranut tikittussat amerlanerpaaffissaat

 

  § 1.  Coronamut allattoqarfiata Air Greenland nalunaarfigissavaa, sapaatip akunneranut Air Greenland aqqutigalugu tikittussat amerlanerpaaffissai qassiussanersut.

 

Timmisartuutileqatigiit allat tikinnissaanut piumasaqaatit

 

  § 2.  Air Greenland-imiit timmisartuutileqatigiillu allat il. il. Kalaallit Nunaannut timmisartumik ilaasunik tikisitsinissamut kissaateqartut corona allattoqarfianut,  akuersissummik qinnuteqassapput aamma taanna tikinnginnermi tiguneqassaaq.

 

Pineqaatissiissuteqartarneq

 

  § 3.  §§ 1 imaluunniit 2-nik unioqqutitsisoq Kalaallit Nunaanni pinerluttulerinermi inatsit malillugu pineqaatissinneqarsinnaavoq. 
  Imm. 2.  Ingerlatseqatigiiffiit il.il. (inatsisilerinermi inuttut immikkoortutut isigineqartut) pinerluttulerinermik inatsimmi kapitali 5-imi malittarisassat malillugit pinerluttulerineq pillugu inatsiseqartitsinikkut akisussaatinneqarlutik pineqaatissinneqarsinnaapput. 
  Imm. 3. Akiliisitsissutit Nunap Karsianut tutsinneqassapput.

 

Atuutilersitsineq, atorunnaarsitsineq atuunneranut piffissaliussaq

 

  § 4.  Nalunaarut 1. juuni 2021-mi atuutilissaaq. 
  Imm. 2.  Ilutigisaanik timmisartumi ilaasut amerlanerpaaffissaat pillugu Namminersorlutik Oqartussat nalunaarutaat nr. 15, 29. april 2021-meersoq atorunnaarsinneqarpoq.
  Imm. 3.  Nalunaarut 30. juuni 2021 ilanngullugu atuutsinneqarpoq.

 

 

 

 

Namminersorlutik Oqartussat, ulloq 21. maj 2021

 

 

 

Kirsten Fencker
Peqqinnissamut Naalakkersuisoq

 

 

 

/ Aka Olesen

Ujaasineq
Sammisamut ujaarliineq

Nassiuguk ikinngutinnut

Uunga e-mail

Atit

Ilisimatitsissut

Luk